Tingtoeng 80:2-15

²Ephraim, Benjamin neh Manasseh mikhmuh ah na thayung thamal te huel lamtah, kaimih kah khangnah ham halo lah.

³Pathen aw kaimih nan lat tih, na maelhmai a sae daengah ni ka daem uh eh.

⁴Caempuei Pathen BOEIPA me hil nim, na pilnam kah thangthuinah te na khuu thil eh?

⁵Amih te mikphi buh na cah tih baelpuei mikphi na tul.

⁶Ka imben rhoek ham olpungkacan la kaimih nan khueh tih ka thunkha rhoek loh n'tamdaeng uh.

⁷Caempuei Pathen aw kaimih nan lat tih na maelhmai a sae daengah ni ka daem uh eh.

⁸Egypt lamkah nang khuen misur te namtom na haek phoeiah na phung.

⁹A mikhmuh ah hmuen na saelh pah tih a yung a hlak dongah khohmuen ah baetawt.

¹⁰A hlip loh tlang tom a dah tih a hlaeng loh lamphai thingnu a yam thil.

¹¹A pae loh tuitunli duela, a dawn long khaw tuiva duela a voeih.

¹²A vongtung te a ba ham nim na phae tih long kah aka pongpa boeih loh a bit uh?

¹³Duup lamkah okngal loh a thoe tih kohong kah satlung loh a luem thil.

¹⁴Caempuei Pathen aw, ha mael laeh. Misur he vaan lamloh paelki lah, so lamtah hip lah.

¹⁵Na bantang kut neh a yung te na phung tih namah ham a ca na hlul sak.