Text copied!
CopyCompare
Baibal Olcim - Tingtoeng - Tingtoeng 73

Tingtoeng 73:8-22

Help us?
Click on verse(s) to share them!
8Boethae neh palawm uh tih cal uh. Hnaemtaeknah a sang la cal uh.
9A ka te vaan ah a khueh dae a lai loh diklai ah tinghil.
10Te dongah a pilnam loh hela ha mael ha mael tih khangrhueng tui a caep uh.
11Te vaengah, “Pathen loh metlam a ming tih, Khohni taengah lungming khaw om van nim,” a ti uh.
12Amih halang rhoek pataeng kumhal ah a khuehtawn loh thayoeituipan la a rhoeng pah daeta ke.
13A poeyoek la ka thinko he ka cael sak tih cimnah neh ka kut ka silh.
14Tedae hnin takuem lucik neh ka om tih mincang takuem ah kai taengah toelthamnah ha om.
15Te tlam te ka tae koinih na ca rhoek kah thawnpuei te kan hnukpoh tak ve ka ti.
16Hekah he ming ham ka moeh dae ka mik ah thakthaenah la om.
17Pathen kah rhokso khuila ka kun daengah amih kah hmailong te ka yakming.
18Amih te long hnal ah na khueh tih pocinah la na cungku sak taktak.
19Mikhaptok ah mueirhih loh imsuep neh a thup uh tih a cing te metlam a om uh.
20Haenghang hnukah mueimang bangla ka Boeipa loh amih kah mueihlip a haenghang vaengah hnael pah.
21Ka thinko loh khikhi hal tih ka kuel a phawt vaengah,
22Kai loh ka kotalh tih na hmaiah rhamsa bangla ka om khaw ka ming pawh.

Read Tingtoeng 73Tingtoeng 73
Compare Tingtoeng 73:8-22Tingtoeng 73:8-22