Tingtoeng 50:4-20

⁴A pilnam te laitloek ham a sosang kah vaan rhoek neh diklai te a tuentah.

⁵Hmueih neh ka paipi aka saii, ka hlangcim rhoek kai taengla tingtun uh lah.

⁶Pathen amah loh lai a tloek dongah a duengnah te vaan rhoek long khaw a thui uh. Selah

⁷Ka pilnam aw ya van lah. Israel taengah ka voek vetih Pathen kamah, nangmih kah Pathen loh nangmih taengah ka laipai ni.

⁸Nang kah hmueih neh na hmueihhlutnah dongah nang kan tluung moenih. Tekah hmueih te Ka hmai ah om taitu ngawn.

⁹Na im kah vaitotal khaw, na vongtung kah kikong khaw ka doe moenih.

¹⁰Duup kah mulhing boeih neh tlang thawngkhat kah rhamsa boeih ke kamah koe ni.

¹¹Tlang kah vaa boeih te ka ming tih kohong kah satlung khaw kamah taengah om coeng.

¹²Lunglai neh a khuikah boeih te kamah taengah om tih ka lamlum cakhaw nang taengah ka thui mahpawh.

¹³Vaito lueng saa te ka caak vetih kikong thii te ka ok aya?

¹⁴Uemonah te Pathen taengah nawn lamtah na olcaeng te Khohni taengah thuung lah.

¹⁵Te dongah citcai tue vaengah kai n'khue lah. Nang kan pumcum vetih kai nan thangpom ni.

¹⁶Tedae Pathen loh halang te, “Ka oltlueh aka tae ham neh na ka dongah ka paipi aka khuen nang te bahamlae?

¹⁷Thuituennah na hmuhuet tih ka ol he na hnukla na voeih.

¹⁸Hlanghuen na hmuh vaengah, anih taeng neh na hamsum dongkah, samphaih rhoek taengah na ngaingaih.

¹⁹Boethae ham na ka na hnonah tih na lai kah thailatnah neh na sun.

²⁰Na pacaboeina taengah na ngol tih na cal van dae na manu ca te boekoekthingka na paek.