Tingtoeng 38:8-20

⁸Ka lungmit tih ka paep dongah, lungbuei phoenanah neh mat ka kawk.

⁹Ka ngaihlihnah boeih he, ka Boeipa namah taengah ka hal tih, ka hueinah he namah taeng lamloh a thuh moenih.

¹⁰Ka lungbuei a thimpom tih ka thadueng hnoeng. Te dongah ka mik khaw tueng pawh.

¹¹Ka tlohtat dongah ka lungnah ka paya rhoek loh saisai m'pai tak tih ka huiko khaw a hla lam ni a pai uh coeng.

¹²Ka hinglu aka mae rhoek loh n'hlaeh tih, kai yoethae puei ham aka tlap rhoek loh a talnah te a thui uh. Te dongah hlangthai palat rhoek loh hnin at puet n'taeng uh.

¹³Tedae kai tah hnapang bangla ka ya voelpawt tih olmueh loh a ka a ang pawt bangla ka om.

¹⁴Te dongah aka ya thai pawt tih a ka ah toelthamnah aka om pawt hlang bangla ka om.

¹⁵BOEIPA nang dongah ka hangdang tih nang loh nan doo bitni ka Boeipa ka Pathen aw.

¹⁶Te dongah, “Ka kho he a paloe vaengah kai n'kokhah thil uh tih kai soah pomsang uh ve,” ka ti.

¹⁷Cungdonah ham ka tawn uh tih ka nganboh loh kamah taengah om taitu.

¹⁸Te dongah kai kah thaesainah te ka doek. Kamah kah tholhnah dongah ka mawn.

¹⁹Tedae ka thunkha rhoek kah hingnah tah ting tih a honghi dongah ka lunguet loh pungtai.

²⁰Te dongah a then te a thae neh aka thuung rhoek loh kai n'khingkhoek vaengah a then te kamah loh ka vai rhoela ka vai.