Tingtoeng 32:1-10

¹David kah Hlohlai Tholh a vuei pah tih, dumlai a hlah pah te a yoethen.

²BOEIPA loh anih taengah thaesainah te poek pah pawt tih a mueihla te vuelvaeknah dongah aka om pawt hlang tah a yoethen.

³Hil ka phah tih hnin at puet kah ka kawknah loh ka rhuh hmawn.

⁴Khoyin khothaih kai he na kut loh n'nan tih khohal kholing kah ka hlantui la poeh. Selah

⁵Ka tholh he nang kan ming sak tih kai kah thaesainah khaw hlipdah moenih. “Ka dumlai te BOEIPA taengah ka uem ni,” ka ti vaengah ka tholhnah neh thaesainah te namah loh nan phueih. Selah

⁶Te dongah hlangcim boeih loh a tue a om vaengah namah taengla thangthui saeh. Te daengah ni lungpook tui a yet vaengah anih te a pha pawt eh.

⁷Nang tah kai ham hlipyingnah ni. Rhal khui lamkah kai he nan kueinah dongah kai hlawt ham lumlaa neh nan vael. Selah

⁸Nang kan cangbam sak vetih caeh long te nang kan thuinuet ni. Kan uen vetih ka mik te nang soah ka khueh ni.

⁹Ba aka yakming pawh marhang neh muli-marhang bangla om boeh. Anih te a ka kah a kam te kamrhui neh na tu pawt koinih nang taengla halo mahpawh.

¹⁰Halang ham nganboh yet dae BOEIPA dongah aka pangtung tah sitlohnah loh a vael.