Tingtoeng 31:9-17

⁹Konoinah dongah ka mik, ka hinglu neh ka bungko hmawn tih puen ka cak dongah kai n'rhen dae BOEIPA.

¹⁰Ka hingnah he kothae loh a ngawn tih ka hueinah neh ka kum thok. Kamah kah thaesainah dongah ka thadueng yaai tih ka rhuh hmawn. Te vaengah tol long ah kai aka hmu kamah hmaiben rhoek te kai lamloh birhihnah neh yong uh.

¹¹Kamah puencak dongah hlang boeih neh ka imben kah kokhahnah la mat ka om.

¹²Duek tangtae bangla a lungbuei ah kai n'hnilh. Am poo bangla ka om.

¹³theetnah he kaepvai ah rhihnah la muep ka yaak. Amih te kai soah tingtun tih, ka hinglu loh hamla a mangtaeng uh.

¹⁴Tedae kai tah BOEIPA nang dongah ka pangtung tih nang te ka Pathen ni ka ti.

¹⁵Ka khohnin he na kut dongah om. Ka thunkha kut neh kai aka hloem kut lamkah kai n'huul lah.

¹⁶Na sal taengah na maelhmai te han sae sak lah. Na sitlohnah neh kai n'khang lah.

¹⁷BOEIPA nang kan khue vaengah yah m'poh sak boeh. Halang rhoek te yahpok saeh lamtah saelkhui la duem uh saeh.