Tingtoeng 132:3-17

³Ka dap im khuila ka pawk pawt vetih ka soengca rhaenghmuen khaw ka paan mahpawh.

⁴Ka mik te ih sak ham, ka mikkhu te ngam sak ham ka pae mahpawh.

⁵BOEIPA ham a hmuen neh Jakob kah samrhang ham tolhmuen ka hmuh duela.

⁶Khohmuen duup ah m'hmuh te Epharath ah khaw n'yaak uh coeng.

⁷A tolhmuen la cet uh sih lamtah a kho kah khotloeng taengah bawk uh sih.

⁸Aw BOEIPA nang na duemnah neh na sarhi thingkawng taengah thoo lah.

⁹Na khosoih rhoek loh duengnah bai uh saeh lamtah na hlangcim rhoek loh tamhoe uh saeh.

¹⁰Na sal David ham tah na koelh kah maelhmai te na mangthuung tak moenih.

¹¹BOEIPA loh David taengah oltak la a caeng coeng. Na bungko thaihtae lamkah khaw te lamloh mael pawt vetih na ham ngolkhoel soah kang khueh bitni.

¹²Ka paipi neh amih ka tukkil ka olphong te na ca rhoek loh a ngaithuen uh atah a ca rhoek khaw na ngolkhoel dongah a yoeyah la ngol uh ni.

¹³BOEIPA loh Zion te a coelh tih amah tolrhum la a sahnaih thil.

¹⁴Ka duemnah he ka sahnaih coeng dongah a yoeyah la pahoi ka ngol thil ni.

¹⁵A sakah te ka uem ka uem pah vetih a khuikah khodaeng rhoek te buh ka cung sak ni.

¹⁶Te vaengah a khosoih rhoek te khangnah ka bai sak vetih a hlangcim rhoek loh tamhoe la tamhoe uh ni.

¹⁷David ham ki pahoi ka cawn sak vetih ka koelh ham hmaithoi ka tok pah ni.