Tinata Valavalar 8:2-13

²I tur arama ra ul a buana ta ra papar a nga, Ma ta ra lavur nga varkuvo;

³Ta ra papar a mataniolo ba di olaolo ta ra pia na pal tana, Ta ra matakilalat ba di rukruk tana, i manga oraoro dari:

⁴Avat a tarai, iau oro avat, Ma ra nilaigu i tadav ra umana natu ra tarai.

⁵Avat a umana tuptup, avat a minana; Ma avat a umana lunga, boina ba na kapa ra bala i vavat.

⁶Avat a valongore, tago ina tatike ra umana bo na magit i tuna, Ma ina tak ra ngiegu ta ra dovotina ka;

⁷Tago ra ngiegu na vatang ra dovotina; Ma ra bul na ngiegu i milikuane ra bilak na mangamangana.

⁸A lavur tinata na ngiegu dia takodo; Pa ta tinata i gegagege ma pa ta tinata i rara tana.

⁹Dia kapa pire ra matotono, Ma nina i nuk tadav ra kabinana i mulaot ba dia takodo.

¹⁰Avat a vatur vake kaugu varvateten, ma koko ra mani. Ra kabinana, ma koko ra goled i ngatngat;

¹¹Tago ra kabinana i ngatngat ta dir ma ra kiau na kalagi, Ma ra lavur magit ba da kaina upi diat pa dia varogop me.

¹²Iau ra kabinana, iau tar la ta ra mangamangana kabatau, Ma iau nuk tadav ra minatoto di pait ra umana kalamana magit me.

¹³A variru tadav ra Luluai i milikuane ra kaina; Iau milikuane tuna ra kolakolo na ninunuk, ma ra ninguk, Ra bilak na mangamangana, ma ra tinata i gegagege.