Tinata Valavalar 7:6-19

⁶Tago iau ga ki ta ra mata na kalangar ta ra kubagu, Ma iau ga gigira irop ta ra ubene tana;

⁷Ma iau ga na tadav tika na barmana i lunga, Pire ra umana tuptup, Ma iau ga gire ilam ia pire ra umana bul;

⁸I alalu ra gunan maravai ta ra pakana ra vavina i ki tana, Ma i mur ra nga ba i vana ta ra kubana,

⁹Ta ra talvivi, ta ra bung na ravian, Ta ra bingnimuna ta ra marum ma ta ra bobotoi.

¹⁰Ma ea, tika na vavina i totongo upi ia ie, I mal da ra paiga na vavina, ma i tavir ra balana.

¹¹A tena varuturut, ma pa i kure kana mamainga, Ma pa i kiki bulu ta ra kubana;

¹²Go i kiki ta ra nga, namur ta ra tavul a bung, Ma i kiki uai ta ra lavur nga varkuvo.

¹³Damana i kinim vake, ma i galum ia, I vamadara ma i biti tana:

¹⁴A umana vartabar ure ra tinabar na varmaram akari piragu; Gori iau tar pait ot pa kaugu vavalima;

¹⁵Kari iau tar irop upi ina totongo up u, Upi ina ongor ma ra tinikan upi ra matam, ma iau tar tikan tadav u.

¹⁶Iau ga pale ra bo na kurit ta kaugu vava, Ma ra mal i bolapit di ga vir ia ma ra kuara Aigipto;

¹⁷Iau ga imimire ra bira na davai, ra alo, ma ra sinamon ta kaugu vava.

¹⁸Una mai, dor a gugu varurung tuk tar ta ra malana; Dor a ga ma ra varmananai vargil.

¹⁹Tago kaugu tutana pa i ki ati, I tar vana vailik;