Tinata Valavalar 5:1-23

¹Natugu, una nuk pa kaugu kabinana, Ma ra talingam na valongore kaugu minatoto;

²Upi una vatur vake ra bo na varbalaurai, Ma upi a kabinana na ki ta ra ngiem.

³Tago ra bul na ngie i ra enana vavina i vatua ra polo na livur, Ma ra ngiene i duladula ta dir ma ra dangi;

⁴Ma namur i mapak da ra kaumal, Ma i mangi vartalai da ra pakat na vinarubu.

⁵A ura kauna dir vutvut upi ra vinirua, Ma i ruarua ra ruarua na tulungen;

⁶Pa i nuk bulu pa ra nga na nilaun; Kana lavur mangamangana pa dia tur bulu, ma pa i kapa.

⁷Io, a umana bul, avat a valongore iau, Ma koko avat a vana kan ra tinata na ngiegu.

⁸Boina ba kaum nga na tur vailik kan ia, Ma koko una vana maravai ra matakilalat i ra kubana;

⁹Kan una tul tar kaum minamar ta ra umana enana, Ma kaum nilaun ta ra tena varvakadik;

¹⁰Kan a umana vaira diat a maur ma kaum peal magit, Ma na tup u ra papalum ta ra kuba i ra enana;

¹¹Ma ta ra mutuaim una riri, Ba i palaur ra pakam ma ra viom,

¹²Ma una ga biti dari: Iau ga milikuane ra varvateten, Ma ra balagu i ga pidimuane ra varpit!

¹³Ma pa iau ga torom ta ra nilai kaugu umana tena vartovo, Ma pa iau ga valongore ra tinata kai kaugu umana tena varvair.

¹⁴I ga maravai ba ina kaina kakit Livuan ta ra kivung kai ra tarai na lotu.

¹⁵Una mome ra tava ta kaum tung na tava iat, Ma ra tava ba i alir rikai ta kaum kivu.

¹⁶Ta ra ava kaum lavur mata na tava diat a talingir vurvurbit, Ma ra umana tava alir diat a alir ta ra lavur pal a nga?

¹⁷Boina ba kaum uka diat, Ma koko kamumur ma ra vaira piram.

¹⁸Boina ba kaum mata na tava na ti doan; Ma una gugu ta kaum taulai nina amur taulai me ba u barmana boko.

¹⁹Na da ra potar na me ma ra vakak na vavaguai piram; Boina una gugu vatikai ta ra iuiuna, Ma una ga vatikai ta kana varmari.

²⁰Natugu, ta ra ava una rara ma ra enana vavina, Ma amur a varkabait ma ra enana?

²¹Tago ra lavur mangamangana kai ra tutana dia kapa ta ra mata i ra Luluai, Ma i nuk bulu pa kana lavur nga.

²²Ra lavur nirara iat kai ra tena varpiam diat a vi vake, Ma na vavakai ta ra vinau na varpiam kana iat.

²³Na virua tago pa i ga vartovo, Ma na vana rara tago i lunga tuna.