Tinata Valavalar 3:8-17

⁸Damana ta pakam na ongor, Ma ra lavur urum diat a lagar tana.

⁹Una ru ra Luluai ma kaum tabarikik, Ma una tabar ia ma ra luaina vuai e par ta kaum uma;

¹⁰Damana kaum umana pal na vuvuvung diat a kor, Ma kaum umana tung na vain diat a buka leke ma ra polo na vain.

¹¹Natugu, koko una pidimuane ra varvapagumanene kai ra Luluai, Ma koko una talanguan ta kana varpit;

¹²Tago ra Luluai i pit nina i mari ia, Da ra tutana i pit natuna, a bul na vakak.

¹³I ti doan nam ra tutana ba i tikan tadav ra kabinana, Ma nam bula ra tutana ba i vatur vake ra minatoto;

¹⁴Tago ra magit da vatur vake tana i boina, ma nam ba da vatur vake ure ra mani pata, Ma ra magit da pie pa ia tana i kat, ma ra ngatngat na goled pata.

¹⁵I ngatngat tuna ma ra umana kiau na kalagi pata, Ma ra lavur tabarikik ba u anan upi ia pa i varogop me.

¹⁶Ta ra limana tuna i vatur vake ra kini lolokon ati ra pia; Ta ra mairana i vatur vake ra peal tabarikik ma ra variru.

¹⁷Kana lavur nga dia mamar, Ma kana lavur pal a nga dia malmal.