Tinata Valavalar 3:26-35

²⁶Tago una nurnur tai ra Luluai, Ma na balaure ra kakim upi koko na papa ta ra kun.

²⁷Koko una muie ra bo na magit ta diat i topa diat, Ona i tale u ba una tul tar ia ta diat.

²⁸Koko una biti tai talaim, Una vana ka boko, ma una vana mulai uti, ma ningene ina tabar u, Ma go u tar vung ra magit.

²⁹Koko una nuk upi ta kaina magit ure talaim, Tago i kiki bulu piram.

³⁰Koko amur a varngangar vakuku ma ta tutana, Ona pa i ga pait ta kaina magit piram.

³¹Koko una pin ra tena vakavakaina, Ma koko una pilak pa kana ta mangamangana;

³²Tago nina i gegagege ra maukuana i da ra magit na milmilikuan pire ra Luluai, Ma ra dovot na tutana dir ki na bartalaina me.

³³A Luluai i tata vabilak ra kuba i ra tena varpiam, Ma i tata vadoane ra kuba i ra tena takodo.

³⁴A dovotina i kulume ra umana tena varkulumai, Ma i mari diat i madu ra nuknuk i diat.

³⁵A umana tena kabinana diat a kale pa ra variru boko, Ma ra umana lunga diat a vatur vake ra vavirvir.