Tinata Valavalar 31:13-27

¹³I tikatikan upi ra ivuna sip ma ra mal, Ma i mariga ta ra papalum na limana.

¹⁴I da ra umana parau na kunukul, I ung ra ana magit na nian maro vailik.

¹⁵Ba i marum boko i tut, Ma i tabar diat ta ra kubana, Ma i tibe tar ra papalum ta kana umana tultul na vavina.

¹⁶I nuk pa tika na pia na papapalum, ma i kul pa ia; Ma i pait ra uma na vain ma ra vapuak ure ra papalum na limana.

¹⁷I vi pit ra livuana ma ra ongor, Ma i vadekdek ra limana.

¹⁸I nunure ba kana tabarikik na kunukul i varvadongon; Kana lamp pa i mat ra marum.

¹⁹I kulalang ra kuara, Ma i rau ia ta ra pakana davai ta ra limana.

²⁰A limana i tul tar ra magit ta ra umana luveana, I tulue ra limana tadav diat dia ki na niiba.

²¹Ra i burutue ra madoldol na mavoko ure diat ta ra kubana, Tago diat par ta ra kubana dia mal ma ra mal meme.

²²I vir kana lavur bo na kurit; mong ma ra mal kumau ma ra meme marut.

²³Kana taulai i rararang ta ra mataniolo, Ba i ki maravut ra umana patuana ta nam ra gunan.

²⁴I ingit mal ra umana kolot ma i ivure diat; Ma i tulue ra umana vipit tadav ra tena kunukul.

²⁵I mong ma ra niongor ma ra variru, Ma i nongone ke ra kilala namur.

²⁶I tak ra ngiene ma i tatike ra tinata na kabinana, Ma ra karameana i vaarike ra vartovo na varmari.

²⁷I balaure bulu ra lavur mangamangana ta ra kubana, Ma pa i en ra ana magit da ra tabauma.