Tinata Valavalar 27:13-19

¹³Una tak pa ra mal kai nina i tar vavalima ure ra vaira, Una kure pi na pait ot pa kana vavalima pire ra enana vavina.

¹⁴Nina ba i tata vadoane talaina ma ra ngala na nilaina ta ra malana ikilik, Da biti ba i varogop ma ra varboar.

¹⁵A tuatua ba pa i ngo ta ra bung na bata tuna Dir vardada ma ra vavina, a tena varngangar;

¹⁶Nina i mainge ba na tur bat ia, i tur bat ra vuvu, Ma i da ra limana tuna i vatur ra dangi.

¹⁷A palariam i vamangi ra palariam, Damana ra tarai dia vargat vargiliane diat.

¹⁸Nina i balaure ra lovo na en ra vuaina, Ma nina i kudakudar pire kana luluai na vatur vake ra variru.

¹⁹Da ra malalar i ra tutana ta ra tava dir varogop ma ra matana tuna, Damana ra nuknuk i ra tutana i vaarike ra tutana iat.