Tinata Valavalar 26:7-22

⁷A ura kak i ra kakak pa dir dekdek, Damana ra tinata valavalar pa i topa ra ngie i ra lunga.

⁸Nina i pite pa ra lunga I da ra rat na ngatngat na vat ta ra anguvai vat vakuku.

⁹Da ra kait i tur ra lima i ra tutana i longlong, Damana ra tinata valavalar ta ra ngie i ra lunga.

¹⁰Da ra tena pinanak nina i vakinkin ra tarai par, Damana nina i tokom ra lunga ba i vana alalu.

¹¹Da ra pap i lilikun tadav ra magit i ga marue, Damana ra lunga ba i pait mule kana mangamangana papaua.

¹²Dave, u gire tikai ba i malamala tena kabinana? Kan ra lunga na mal kana mangamangana, ma nam pata.

¹³A tabauma i biti: A kon aro ra pia! A leon i ki ta ra nga!

¹⁴Da ra banbanu i pukpukuai ta kana lililikun, Damana ra tabauma i pukpukuai ta kana vava.

¹⁵A tabauma i vung ra limana ta ra la; I talanguan, ma pa i tak vaarike mule pi na tulue ta ra ngiene.

¹⁶A tabauma i nuk ia ba i manga kabinana Ta ra lavurua na tutana nina ba i tale diat ra tinata na minatoto.

¹⁷Nina i maravut ta ra varngangar ba vakir kana, I da tikai i vatur vake ra talinga i ra pap.

¹⁸Da ra longlong nina ba i vue ra biro na ul, Ma ra pu, ma ra minat,

¹⁹Damana ra tutana i tuam pa lalaina, Ma i biti, Iau varvaula ka!

²⁰Ona pa ta davai, ra iap i mat; Ma ona pa ta tena varmaianao, ra varngangar i ngo.

²¹Da ra pal a kaka ta ra lakit, ma ra davai ta ra iap, Damana ra tena vartoto i vabirao ra varngangar.

²²A tinata kai ra tena varmaianao i varogop ma ra magit i kalakalami, Ma i ruk ra bala i ra tarai ara iat.