Tinata Valavalar 25:8-18

⁸Koko una rut pa ra vartakun pire ra tena varkurai, Kan pa u nunure ba una pait ra ava ta ra mutuaina, Ba talaim i tar varuva u.

⁹Amur a pirpir ma talaim iat, Ma koko una pala ra magit i pidik kai ta ra tikai;

¹⁰Kan nina i valongore na vul u, Ma ra kaina varvai ure u na tur vatikai.

¹¹A tinata ba di vatang mal pa ia I da ra gamata di pait ia ma ra goled ta ra la na silva.

¹²Da ra mamar. talinga di pait ia ma ra goled, ma ra magit na marmar di pait ia ma ra goled i ngatngat, Damana ra tena varpit i kabinana i topa ra talinga i ra tena tinorom.

¹³Da ra madoldol na mavoko i valavalagar ta ra e na varuruai, Damana ra dovot na tultul pire diat dia tultulue, Tago i valagar ra bala i kana umana luluai.

¹⁴Da ra bakut ma ra vuvu ba pa ta bata tana, Damana ra tutana ba i malamala tena vartabar.

¹⁵A mangamangana vovovon i vo valar pa ra tena varkurai, Ma ra madu na tinata i bubur ra ur.

¹⁶Dave, u tar tikan tadav ra bulit na livur? Una en ra ngungu tana ba i topa u, Kan una manga maur me, ma una marue mule.

¹⁷Koko una ruk milat ra kuba i talaim, Kan na talanguan tam, ma na milmilikuane u.

¹⁸A tutana ba i varvarvai vavaongo ure talaina, I da ra ram, ma ra pakat na vinarubu, ma ra pu i lamia.