Tinata Valavalar 24:5-13

⁵A tena kabinana i ti ongor, Ma ra matotono i vangala ra dekdekina.

⁶Ba u pait ra vinarubu una nuk mal pa ia, Ma ba i peal ra umana tena varvateten da vatur vake ra niuvia.

⁷A lunga pa i tadav ra kabinana tago i kiki arama iat; Pa i tak ra ngiene ta ra mataniolo.

⁸Nina ba i abe pa ra kaina upi na pait ia, A tarai diat a vatang ia ba ra tena varpiam.

⁹A nuknuk i ra umana lunga i tar kaina, Ma ra tena varkulumai i da ra magit na milmilikuan ta ra luaina mata i ra tarai.

¹⁰Ba u matmat ta ra bung ba di tur bat u, A ongorim i ikilik ika.

¹¹Una valaun pa diat di al pa diat tadav ra minat, Ma una tigal bat diat dia pa lebalebe tadav ra vardodoko.

¹²Ba u biti, Ea, vakir ave ga nunure go, Dave, nina ba i valar ra bala i ra tarai pa i nuk pa ia bar? Ma nina i balaure bat ra tulungeam pa i nunure bar? Ma pa na vabongon vang ra tarai tikatikai varogop ma kadia papalum?

¹³Natugu, una en ra polo na livur, tago i boina, Ma ra bulit na livur, nina i kalakalami ta ra ngiem.