Tinata Valavalar 23:5-17

⁵Ba ra matam i bobe ke, i panie muka; Tago ra vurvur magit dia vung ra bebea i diat, Ma dia purpururung urama ra maup da ra minigulai.

⁶Koko una en ra magit kai ra tena langodo, Ma koko una kaina upi kana kalami na nangnang;

⁷Tago da i toto ta ra balana, damana ra maukuana; I biti tam dari: Una ian ma una momo; Ma vakir ra nuknukina damana piram.

⁸A ngungu magit ba u tar en ia una ga marue mule, Ma una ga vole kaum kalami na tinata.

⁹Koko una tatata ba ra lunga i ki na valongor, Tago na pidimuane ke ra kabinana ta kaum tinata.

¹⁰Koko una kari vue ra vakilang na langun amana tana, Ma koko una vana ta ra uma kai ra umana nat na ling;

¹¹Tago kadia tena valaun i ongor; Na tata maravut diat ta ra vartakun ure u.

¹²A balam na ongor upi ra varvateten, Ma ra ura talingam upi ra tinata na kabinana.

¹³Koko una ngo ma ra varvapagumanene pire ra bul, Tago ba u tova ma ra virvirit, pa na virua.

¹⁴Una luba ia ma ra virvirit, Ma una valaun ra tulungeana kan ra ruarua na tulungen.

¹⁵Natugu, ba ra balam i kabatau, Ra balagu iat na gugu bula.

¹⁶Maia pa, ra tulungeagu na ga, Ba ra ngiem i vatang ra ko na tinata.

¹⁷Koko ra balam na varngu ure ra umana tena varpiam, Una ongor ika ta ra variru tadav ra Luluai ta ra bungbung parika.