Tinata Valavalar 21:3-13

³Ba di pait ra mangamangana takodo ma ra takodo na varkurai, A Luluai i manga mainge nam ta dir ma ra tinabar.

⁴A malamala luluai ma ra kolakolo na ninunuk, A lamp kai ra tena varpiam, a kaina magit nam.

⁵A nuknuk i ra tena ongor i tur upi ra peal magit ika, Ma diat par ba dia ngarangara, dia ngarangara ka upi ra niiba.

⁶Ba da ongor upi ra tabarikik ma ra tinata vavaongo, I da ra niongor upi ra vual i panie, ma i da ra palai na minat.

⁷A vinarubu kai ra umana tena varpiam na pakate vue diat, Tago dia ole vue ra mangamangana takodo.

⁸Ba tikai i puak pa ra mamat na kaina mangamangana, i gegagege tuna kana nga; Ma nina i gomgom, i takodo kana papalum.

⁹I manga boina ba da kiki ta ra ul a pal ika, Ma pa i boina ba da kiki varurung ma ra vavina, a tena varngangar, ta ra ngala na pal.

¹⁰A bala i ra tena varpiam i bala upi ra varpiam, Ma pa i mari talaina.

¹¹Ba di kure ra tena varkulumai, ra tutana i tuptup na kabinana tana; Me ba di vateten ra tena kabinana, i vatur vake ra minatoto tana.

¹²A tena takodo i nuk pa ra kuba i ra tena varpiam; Tago di vue pukue vue ra umana tena varpiam, ma dia virua.

¹³Nina i ang bat ra talingana ba ra luveana i kakail, Na kakail bula boko ma pa da valongore.