Tinata Valavalar 20:8-22

⁸A king ba i ki ta ra kiki na varkurai I kavie varbaiane vue ra lavur kaina magit par ma ra matana.

⁹To ia na tatike valar pa ra dari: Iau tar vagomgom ra balagu, Iau tar langalanga kan ra varpiam?

¹⁰A ura mangana mamat ma a ura mangana valavalarina, Dir par dir milmilikuan pire ra Luluai.

¹¹A bul ikilik bula i vaarike ra maukuana ta kana mangamangana, Ba na dovot bar ma ba na takodo bar kana papalum.

¹²A kapa na talinga ma ra kapa na kiau na mata, A Luluai i ga pait dir par.

¹³Koko u ra lup va mat, kan una luveana tana; Una tavangun, ma una ti maur ma ra magit.

¹⁴Nina i kul ra magit i biti dari: Pa i boina, pa i boina; Ma ba i tar kap ia, i langlang me.

¹⁵A goled ma ra peal kiau na kalagi go kari; Ma ra tinata na kabinana ia ra ngatngat na magit na marmar.

¹⁶Una tak pa ra mal kai nina i tar vavalima ure ra vaira, Una kure pi na pait ot pa kana vavalima pire ra umana vaira.

¹⁷A magit na nian ba di ga long ia i kalami pire ra tutana, Ma namur ra ngiene na buka ma ra raga.

¹⁸Ba da tata guvai da vatur ra umana varkurai tana; Ma ba u mainge ra vinarubu, una nuk mal value pa ia.

¹⁹A tena varurai i vanavana vurvurbit ma i vaarike ra magit na pidik; Kari koko amur talaina ma ra lup tinata vakuku.

²⁰Nina i tata vabilak tamana ba nana, Da pun vue kana lamp ta ra ngala na bingnimuna.

²¹Kan lua da kap rurut pa ra tabarikik, Ma namur pa da kedek tana.

²²Koko una biti: Ina obo pa ra kaina; Una ki ung pa ra Luluai, ma na valaun u.