Tinata Valavalar 20:20-27

²⁰Nina i tata vabilak tamana ba nana, Da pun vue kana lamp ta ra ngala na bingnimuna.

²¹Kan lua da kap rurut pa ra tabarikik, Ma namur pa da kedek tana.

²²Koko una biti: Ina obo pa ra kaina; Una ki ung pa ra Luluai, ma na valaun u.

²³A ura mangana mamat i milmilikuan pire ra Luluai, Ma pa i ko ra valavalar ba i vaongo.

²⁴A lavur vinavana kai ra tutana dia vuna tai ra Luluai; Io, na kapa dave ra nuknuk i ra tarai ure kadia nga?

²⁵I da ra palai pire ra tutana ba i biti vakuku dari: I gomgom; Ma ba i tar vavalima lua, namur i nuknuk.

²⁶Ba ra king i kabinana i kavie vue ra umana tena varpiam, Ma i rama vue diat ma ra vil.

²⁷A tulungea i ra tarai i da ra lamp kai ra Luluai, Ma i tikatikan ta ra lavur ngungu ara iat ra bala i diat.