Tinata Valavalar 18:14-22

¹⁴A tulungea i ra tutana i puak pa kana binilua, Ma to ia na puak pa ra tulungea i nina ba i tabun?

¹⁵A bala i ra matotono i varurue ra kabinana, Ma ra talinga i ra tena kabinana i titatikan upi ra minatoto.

¹⁶A vartabar kai ta tikai i mal are kana nga, Ma i ben pa ia ta ra luaina mata i raumana ngala.

¹⁷Ba tikai i lua ma ra tinata na vartakun, di biti ba kan i takodo, Tuk tar nam ba kana ebar i vut ma i tir ia.

¹⁸A padapadailam i vango ra varngangar, Ma i varkurai livuan ta ra umana luluai.

¹⁹Ba da maravut tura i dat i da ra ongor na pia na pal, Ma ra umana vargegelenai dia da ra okobat ta ra pal na bakbakit.

²⁰A bala i ra tutana na ti maur ma ra vuai ra ngiene; Na ti maur ma ra vabongon ure kana tinata.

²¹A karamea i ra tarai i vuna ta ra minat ma ta ra nilaun, Ma diat dia manga tata diat a en ra vuaina.

²²Nina dir taulai ma ra bo na vavina i tar tikan tadav ra bo na magit, Ma i tar vatur vake ra varmari kai ra Luluai.