Tinata Valavalar 13:19-25

¹⁹Ba da pait ot pa kada mamainga i kalakalami ta ra bala i dat, Ma i da ra magit na milmilikuan pire ra umana lunga ba diat a vung vue ra varpiam.

²⁰Una varait ma ra umana tena kabinana, ma una kabinana bula; Ma nina dia talaina ma ra umana lunga na kadik.

²¹A vinirua i korot mur pa ra umana tena varpiam, Ma da vabongon ra umana tena takodo ma ra boina.

²²A bo na tutana i vakale ra umana bul mur tana ma kana tabarikik, Ma ra vurvur magit kai ra tena varpiam di vung vake ure ra tena takodo.

²³A ngala na magit na nian ta ra uma kai ra umana luveana, Ma i kaina ka ure ra mangamangana ba pa i takodo.

²⁴Nina ba pa i vaminana natuna ma ra virit i milikuane, Ma ga nina ba i mari ia i vala vapagumanena.

²⁵A tena takodo i iaian ma i maur tana, Ma ga ra bala i ra tena varpiam na ti mulmulum.