Tinata Valavalar 12:12-22

¹²A bilak na tutana i mainge ba na pait ra kaina, Ma ga ra okor i ra tena takodo i vuai.

¹³Ba i rara ra ngie i ra tutana i da ra palai pirana, Ma ga ra tena takodo na langalanga kan ra purpuruan.

¹⁴A tutana na maur ma ra boina ure ra vuai ra ngiene, Ma ra magit ba ra lima i tikai na pait ia da bali ia pirana.

¹⁵A papaua i nuk ia ba i takodo kana nga, Ma ga nina i kabinana i kapupi ra varvateten.

¹⁶A kankan kai ra lunga i po rikai muka, Ma ga ra tutana i matoto i ive ra magit na vavirvir.

¹⁷Nina i tatike ra dovotina i vaarike ra mangamangana takodo, Ma ra kaina tena varvai i vaongo.

¹⁸Nina i lulut kana tinata i varvakinkin da ra pakat na vinarubu, Ma ra karamea i ra tena kabinana i varvalagar.

¹⁹A ngia i dovot na tur pa na mutu, Ma ra karameme ba i vaongo i panie lulut.

²⁰A vavagu i ki ta ra bala i diat dia varpit upi ra kaina, Ma diat dia tata rangup upi ra malmal dia gugu.

²¹Pa ta kaina magit na tadav ra tena takodo, Ma ga ra tena varpiam na tup ia.

²²A Luluai i milikuane ra ngia i vaongo, Ma ga diat dia pait ra dovotina i manga gugu ta diat.