Text copied!
CopyCompare
PIIPILI ƖSƆ TƆM TAKƎLAƔA - Tillɑɑ Tǝmlɛ - Tillɑɑ Tǝmlɛ 5

Tillɑɑ Tǝmlɛ 5:32-40

Help us?
Click on verse(s) to share them!
32Tǝ kɛ́ pǝ tǝnɑ mpi pǝ lɑpɑ mpʋ tɔ pǝ ɑseetɑ nyǝ́mɑ. Pǝ tɑɣɑ tɑ́ tike. Amɑ tɑ́ nɑ Feesuɣu Nɑŋŋtʋ wei Ɩsɔ hɑ mpɑ mpɑ pɑ nɩɩkǝnɑ-ɩ tɔɣɔ.
33Kotuɣu sɔsɔɔʋ kotilɑɑ mpɛ pɑ nɩɩ mpʋ, ɩlɛnɑ pɑ pɑ́ɑ́nɑ́ huu sɔsɔm, hɑlǝnɑ pɑ cɑɑkɑɣɑ pɑ kʋ tillɑɑ sɔsɑɑ.
34Amɑ pɑ tɑɑ kɑ wɛ Fɑlisɑ nɔɣɔlʋ wei pɑ yɑɑ sɩ Kɑmɑliyɛɛ tɔ, ɩ kɛ́ pɑ Ɩsɔ Tɔm sɛɣɛsǝlʋ sɔsɔ, nɑ yǝlɑɑ seekɑɣɑ-ɩ. Ḿpʋ́ɣʋ́ ɩ kʋlɑɑ nɑ ɩ́ sǝŋ hʋʋlɛ tɑɑ, nɑ ɩ́ tɔ sɩ pɑ́ lǝsɩ tillɑɑ nɑ ɑwɑlɩ tɔɔ nɑ pǝ́cɔ́.
35Ɩlɛnɑ ɩ́ heeli kotilɑɑ sɩ: Ɩsɛɣɛlɩ nyǝ́mɑ mɛ, ɩ́ lɑ lɑɑkɑlɩ nɑ mpi ɩ́ cɑɑ ɩ́ lɑ yǝlɑɑ pɑnɛ tɔ.
36Mɑtɔŋ wulenɑɑ tɑɑ kɛ́ Teutɑsɩ kʋlɑɑ nɑ ɩ́ nyǝnɩ ɩ tɩ ɩsɩɩ yʋlʋ nɔɣɔlʋ, nɑ yǝlɑɑ ɩsɩɩ nɑsǝlɛ (400) tǝŋ ɩ wɑɑlɩ. Ḿpʋ́ɣʋ́ pɑ kʋ-ɩ, nɑ mpɑ pɛlɛ pɑ tǝŋɑɣɑ ɩ wɑɑlɩ tɔ pɑ́ yɑ ŋkɑŋkɑ, nɑ pǝ tǝnɑ pǝ sɑɑlɩ yem.
37Ɩ́lɛ́ ɩ wɑɑlɩ kɛ́ Kɑlilee tʋ Yutɑɑsɩ nɑ́ kʋlɑ kʋkɑlʋɣʋ wɑɑtʋ, nɑ ɩ́ tǝŋsɩ yǝlɑɑ kʋpiŋ kɛ ɩ wɑɑlɩ. Amɑ pɑ kʋ ɩ́lɛ́ tɔtɔ, nɑ pǝ́ yɑsɩ pɑ tǝnɑ mpɑ pɑ tǝŋɑɣɑ-ɩ tɔ.
38Pǝ tɔɔ kɛ́ pǝnɛntɛ mɑ heeliɣi-mɛ sɩ, ɩ́ tɑɑ pɑɑsǝnɑ yǝlɑɑ pɑnɛ ɩnɩ pɑ tɔm tɔtɔ. Ɩ́ yele-wɛ nɑ pɑ́ tɛɛ. Pǝ tɑɣɑ pʋlʋ tɔɔ, ye yǝlɑɑ kiŋ kɛ pɑ kookɑlɩ nɑ pɑ tǝmɑ lɩɩnɑɑ, pɩɩ sɑɑlɩ kɛ́.
39Amɑ ye tɑmpɑnɑ Ɩsɔ kiŋ kɛ pǝ lɩɩnɑɑ, ɩ́ kɑɑ pǝsɩ nɑ ɩ́ lɑ-wɛɣɛ pʋlʋ. Ɩ́ lɑ lɑɑkɑlɩ, pǝ́ tɑɑ kɔɔ nɑ ɩ́ yoonɑ Ɩsɔ. Ḿpʋ́ɣʋ́ kotilɑɑ mʋ Kɑmɑliyɛɛ tɔm.
40Ɩlɛnɑ pɑ́ yɑɑ tillɑɑ nɑ pɑ́ hɔɔkɩ-wɛ, nɑ pɑ́ heeli-wɛ sɩ: Yesu tɔm ɩ́ tɑɑ tɑsɑ mǝ nɔɔsɩ tɑɑ kɛ́ lɩɩʋ. Ɩlɛnɑ pɑ́ yele-wɛ sɩ pɑ́ tɛɛ.

Read Tillɑɑ Tǝmlɛ 5Tillɑɑ Tǝmlɛ 5
Compare Tillɑɑ Tǝmlɛ 5:32-40Tillɑɑ Tǝmlɛ 5:32-40