18Pakaiyinthutanvaihomho Israelte chung atundoh komleh thutan vaihomho chu ana mangcha jin amaho hinlai sung chun agalmi houva konnin ana huhdoh jiuvin ahi. Ajeh chu Pakaiyin a engbolna le thohgimna thoh amipite chu akhoto jin ahi.
19Ahinlah thutan vaihomho athi tenguleh, amipite chu achonnao dihlounao lampia akinungle kit jiuvin, amahon pathen dang ana jui jiuvin, ajenle in anapangun chujongle ana hou jiuvin ahi. Hitichun, thildihlou abol-hou chu louchal jeh un anapaidoh nomji pouvin ahi.
20Hijeh chun Pakai chu Israel chung’ah nasatah in analung hang jin ahi. Pakaiyin hitin anaseije, “Ajeh chu kamiten apu apateo toh kitepna kana semchu asukeh un chuleh kathupeh jong nahsah louvin akoi tauvin ahi.