Thuhilpa 8:8-16

⁸I-lah’uva ithi diu nikho atuhtangthei ium pouve. Hiche muthimgalsatna, ito diu hi ahoidohna dingaum poi.

⁹Hiche nipi noija che jinga, chaljinga um miho chun khat le khatkisuh khah tona aneiju hi lunggiltah in kangaiton ahi.

¹⁰Keiman migilou ho jabol tah’a akivui kamui. Hinlah amaho hi houin sunga chu kijomtah’a athilbolphalouvu umna mun ma’a chunjabolna achanguve! Hiche jong hiajeh bei tobang bep ahi kit’e.

¹¹Asukhel chu gimbolna akipehpaiji louva ahileh, miho chun thilsebol ding in ahung kitil khou dohjiuvin ahi.

¹²Hinlah mikhat chun chonsetjavei jen bol hen lang chule sotpihingnalaihenlanghijongleh, Pathen gingho dingin aphajo chehahiti, keiman kahei.

¹³Migilouho chu lolhing lou diuahi, ajeh chu amahon Pathen ginnaanei pouve. Nilhah lam lim tobangbep’in ahinkhou sotponte.

¹⁴Chule hiche hi i-chen nau vannoileisetna ajehbeija ahideh poi. Hichelei hinkhoa hin miphaho jong chumigilouho bolla akibol kom aumjiuvin, chule migilouho hi miphatahbolla akibol nau jong aumjie. Hichejong hi ajehbei tobang bep chu ahi.

¹⁵Hiti chun keiman nuijat’umnachu ka phatsah’in ahi, ajeh chumihon aneh uva, adon uva chulehinkho akipa thanoppi diu hi kaphatsahpeh ahi. Hitia chu Pathen’inamaho chu nipi noija ana tohgimnauva kon kipana khat anei theinadiu ahi.

¹⁶Keiman chihna kaholna’a hin, chule hiche vannoi leiset chungamiho pohgih poh kavet jingna’ahin, keiman kakholdoh chu sunlejanna kichol tih um louva kho-sahna ka mudoh in ahi.