Thuchihbu 28:3-20

³Miphalou vaichate gim le hesoh thohsahpa chu, gobah julha tobang ahin, khenchom aneiji poi.

⁴Kivaipohna danthu nit te chunmigilou ho adou jing ahi.

⁵Mi-engsen thu adih a kitan kitihiahethem thei pon, amavang Pakaiholten phatah in ahethem un ahi.

⁶Mihao lungdihlou hisang in, mivaicha lungtheng hi aphajoi.

⁷Chapa chingtah kiti chu danthukitup tah’a juipa ahin, milungsel tokivop pan anu le apa jumna apohlutpeh jin ahi.

⁸Thil veikan dinga lha’a punbe sahpa chun, vaichate khotopa sakhaosung adip peh ahibouve.

⁹Koi hileh danthu jahda jeh’a akolheimang achu, ataona jeng jong Pathen dinga thet um ahi.

¹⁰Milungdih lamsea pui achu, amatah jong ama kokhuh sungalhalut ding, hinlah milungdih vangchun gou phatah alo ding ahi.

¹¹Mihao kiti chu ama mitmunaching dan in akigel jin, hinlahhetthemna nei mivaichan achihlouna amatdoh tei ding ahi.

¹²Midihten goljona anei teng kipaloupina ahin, miphaloute ahungseilet tengleh mipi akidalse jin ahi.

¹³Asuhkhel selmang chan chukhangtoulouhelding, chulehitobang hi chonset ahipoi ti seipajong, mi manthah sahpa ahibouve.

¹⁴Phattin a Pakai gingpa chuanunnom ahin, amavang milungtahpa vang chu manthahna chu tei ding ahi.

¹⁵Migilouvaichachungavaihompachu, keipibahkaikitumlet lut le vompi midel hamthethu tobang ahi.

¹⁶Thil hetthemna neilou vaihompa chu, migenthei te engse tah a sugimpa ahin; amavang thildihlouthetpa vang chu ahinkho sotdingahi.

¹⁷Tol thatpa chonset chung gihnachu, athi kahsea kichol na umtalouding, chule koiman adonlou dingahi.

¹⁸Lung dettah’a lampi jotpa chuhuhdoh a um tei ding, hinlah achenajousea akaleh akalouva chonpavang chu hetman louva kisumangding ahi.

¹⁹Koi hileh ama gam leiset lhoupachun, neh le chah kimsel a aneiding; hinlah phatchomna beijadonva lepa vang chu vaicha tei dingahi.

²⁰Tahsan umtah pa chu phattheinachang jing ding, hinlah gangtah’ahaodoh ding ngaito pan gimna atolo ding ahi.