Thuchihbu 27:2-16

²Nakamsunga nakipachat sangin, midang kipachat sah jon, chule nangle nang nakam sunga naki vahchoisangin, hetkhahlou kholgam mi kivahchoi sah in.

³Songhi agih lheh in, neldi jong gihtah ahi. Hinlah mingol lunghanna hi neldi sanga jong gihjo nalai ahi.

⁴Lunghan hi giloutah ahin, lungsat in jong mi achup jin; hinlah thangthipna hi akhoh jon ahi.

⁵Aguh a kingailut sangin, lhang phonga kiphosal aphajoi.

⁶Gol phatah’a kon kimavona chu kitah jal ahin, melman eibeng chop vang kilhep lhahna ahibouve.

⁷Mihem aoi-vasa dingin khoiju jeng jonglohsonabepahin, agilkilpa din vang an tuimopen jong alhum tobang ahi.

⁸Ain’a kon vahmangpa chu, abusunga kon lengmang vahcha tobang ahi.

⁹Thao le gimnamtui in mihem lungthimakipahsahjin, gim hesohna vang hin mihem lhagao athohlal sah jin ahi.

¹⁰Nagol hihen napagol hijongle nung sun hih in, hahsatnan nahin phah nikhon jong nasopipa in-a sunglha hih in; ajeh chu gam lataha um penpi sopi sang in, naicha umhengle kom aphachom joi.

¹¹Kachapa, chingtheijinkalungthim kipa sah jing in, chutileheidoupa jeng jong kadonbut theiding ahi.

¹²Milung ching in thilphalou hunglhung ding ahethem masan, ama leama ahoidoh theije, hinlah milhamvang chu khopho lou tah in aum in, gim hesoh atoh jin ahi.

¹³Hetkhah lou mikhat batsahnadinga kitung pa chu, aponsilkichompeh jenga! Hetphaloumi dinga, hitobang mihem chuakipehdoh jeng thei nadem!

¹⁴Jingkah matah-a thouva othongjejua, phatthei osam chun ahengakom agaosap joh ahibouve.

¹⁵Tanglouva nilhum keija gojuhhi, numei phunse tohbang bep ahi.

¹⁶Hitobang numei phohtang theijachun, khohui geija aphotang jouding ahin; akhutphang jet lam’ajong, thaotui akihamdoh thei ding ahi.