Thuchihbu 24:3-11

³Chihna jeh chun in akisadoh jin, chule hetkhen themna jal-a kitungdet ji ahi.

⁴Hetkhen themna akon insung dan jousea, thil manlutah tah le; lung lhaina thilpha chom haona dimset- ji ahi.

⁵Miching chu mi thahat sang in ahat jon, hetna nei mi jong atha hatpa sang in ahat cheh jin ahi.

⁶Ijeh-inem itileh lungthim thepna jal-a gal kisatji ahin, chule gal jona jong thumop them hoa kingam ahi.

⁷Chihna hi mingol ho din meiphah ahipon, thutanna kotpi mai lah’a jong seiding abei jitauve.

⁸Koi hileh thilse bol ding ngaito chan chu, jou le nal-a natongpa tia kikou ding ahi.

⁹Mingol ho thilse gonhi chonset ahin, mi ahilou lam’a tot chaveipa jong mi jousen athet ahibouve.

¹⁰Kidoupin nahin phah nikho teng jongleh lung lhadai hih in, ajeh chu lhahsamna’a nanei cheh ding ahibouve.

¹¹Thina lam jon-a kijot hokhu huhhingloijin, chulemin athagamna dinga kipal-lhu ho jong huhdoh loijin.