Thuchihbu 23:1-10

¹Thunei vaihom khat tohankong sohkhom dinga naum tengleh, na ang-sunga kiloi chengse chu melchih in.

²Milop nahileh nalol chutoh chemcha kanbeh jeng in.

³Vaihompa neh ding anho chu ducha hih in, ajeh chu nangma lhep lhahna ding an jeng ahi.

⁴Haodoh ding ngaito na mei meijin na-tong hih in, chule jou le phatloua kon in haodoh ding jong ngaito hih in.

⁵Hitia haodohna dia namu chanchu miphetkah louva mang dingahi. Ajeh chu chomlou kah’inmuvanlai bang in vanlam anganaleng mang jitai.

⁶Muda sasa’a navepa toh annekhom hih in, aneh chu tuitahhijongleh ducha hih in.

⁷Amapa chu alung thim in aphunphun in, nangma jah din, “Haneh inlang, hadon in don in” tia asei vangchun alung thim in nathet bouve.

⁸Nangman themcha naneh jongchu naloh lhah ding, chule lunglhainathu nasei jouse jong pannabei sohding ahi.

⁹Mingol ho jah ding in houlimboldan, ajeh chu chihna thu naseijouse imalouvin gel khaget inte.

¹⁰Gol lui laija pat umsa gamgisong chu nabodoh lou hel ding, chule nu le pa neilou chagate lou-laia jong chelut hih in.