Thuchihbu 15:19-29

¹⁹Mithase ho lamlhahna jouselingle khao’in abap in, midihholampi vang lamlen kilhong peh-ji ahi.

²⁰Chapa ching in apa akipa sah jin, chapa ngol in vang anu jeng jongiman agel-ji poi.

²¹Lungthim beipa din ngolna chulunglhaina ahin, thil hethempa vangama chal peh jitai.

²²Kithumopna alhahsam teng, tohgon ache khel jin, mi akithumopto teng lolhinna ahi.

²³Phatah a kidonbut hi mijouselunglhaina ahin, hijeh chun aphattoh kitoh a thu kisei hi aphat a pha ahi.

²⁴Michingpa lamlhahna chu hinnalampia akilhung tou in, amangotmun apeldoh jin ahi.

²⁵Pakaiyin mi kiletsahho in aphetlha jin, meithai ho gamgi vangaphet peh jipoi.

²⁶Miphalou lunggel jouse Pakaiyin athet in, Mi lungdih ho kamcheng soh vang Pakai dinga lunglhai um ahi.

²⁷Koi hileh lamdih louva mutei ding gochan chun, a-insung dinga gimna alhut ahin, ajeh chu neh guh thetbol chan chun hinna amu ding ahi.

²⁸Midih hon min thu asei teng, lunggil in adonbut ding dan angaito jin, hinlah mingol te kamcheng soh jouse thilphalou jeng twi kisung lha abang jin ahi.

²⁹Miphalou hoa kon in Pakai akidalsen, midih ho taona vang angai peh jin ahi.