Thuchihbu 14:17-32

¹⁷Milungchom hon ngol hoitah inthil abol jiuvin, hinlah thil hethemmivang chu atomngai ahi.

¹⁸Mihem meimeija um chu ngolnaahin, miching hon hetna kiti hilallukhuh a aneiju ahi.

¹⁹Thilse kiti phot chu thilphamasanga dilsu ding, miphalou hojong midih ho kelkot phunga dilsudiu ahi.

²⁰Mivaicha hohi ain-heng ho kisanin athet bol jiuvin, mihao ding invang golpha atam jin ahi.

²¹Aheng akom ngailu lou mihemchu achonse ahin, mivaicha hongailua chu anunnom ahi.

²²Thilse jeng gel hon suhkhel aneitei jiuvin, thilpha jeng ngaito honvang tahsanna le kitahna akimujiuvin ahi.

²³Natoh hahsa kiti chun aphachomasoh tei ding, natoh beija thumotseina hin vaichat asoji ahi.

²⁴Miching ho ding in chihna hilallukhuh in apang jin, mingolho ding in vang ngolna hi pahvuibanga aki-o jiu ahi.

²⁵Mikitah hettohsah a apan tengmi tampi huhdoh jin, hinlah thujouseina hin mihem amanthah sahjiahi.

²⁶Pathen ging kiti hi mihem dingakisonna ahin, achate jeng jong ama’a kisel diu ahi.

²⁷Pakai gin kiti hinna twinahtobang ahin, ajeh chu mihem inthina jeng jong apeldoh-ji ahi.

²⁸Gamsunga cheng mipite apunbeteng lengpa loupina ahin, hinlahmihem lhomcha ahiteng milenmilal dinga pannabei ahibouve.

²⁹Koi hileh lunghang vahlouchun thil hetthemna anei ahin, kinothethua lungchomna vang chunngol-hoitah atoh doh ding ahi.

³⁰Lungneng tah’a um hi tahsadamna ahin, hinlah thangthipna kitihi gu le chang in adoulal ahi.

³¹Mivaichasugentheihonasempau Pathen ataitom nau ahin, amavang nei lou genthei khotothem chun asempa Pathen agin ahi.

³²Miphalou chu toset atosah inalehkhup jin, midih ding in vangbitna aum jing in ahi.