Thuchihbu 14:1-16

¹Numeiching in ain-chenakisemtup in, numei ngol in vang amatah ain-chen sukeh in apangin ahi.

²Lungdih’a lam jot chun Pakai aging in, hinlah achena jousea thilphalou gelpan Pakai anahsah jipon ahi.

³Mingol in akijepna ding akiseidohbep jin, miching hon vang ahoidohnadiu akiseidoh jiuvin ahi.

⁴Bongchal loukai ding umlou na-achang akilamdoh ngai pon, ajehchu bongchal thahat akon changtampi kilam-ji ahi.

⁵Mi kitah hettoh sah-a apan tengjouthu asei ngai pon, midihlouhettoh sah-a apan teng jou le nal inthu aseijin ahi.

⁶Michavai hon chihna ahol-unamu jou deh pouvin, hinlah thilhetthemna neipa ding in chihna hinailam cha ahibouve.

⁷Mingol hoa kon’in kikhin mangin, ajeh chu amaho kamsungakon’in chihna thu kisei japon nate.

⁸Milungthim ching hon ajot nadiulampi akihet-un, mingol ho vangjoulhepna jeng ahi.

⁹Pathen in miphalou aphohsaljin, michonpha hon vang Pathenlunglhaina akimu jiuve.

¹⁰Mihem lungthim hin gim lehesoh ahen, midang in akipanauchu ahetthem peh-un ahi.

¹¹Migilou ho inchu kiphet lhahpeh ding, midih ho ponbuh vangdettah a kisong jing ding ahi.

¹²Mihem khat’in achena lampichu dih-in agel jin, hinlah alampichu ajonaleh thina ahi.

¹³Nuijat pat jeng in jong mihemalung kham jin, kipana jeng jonggimnan akichai-ji tai.

¹⁴Midihlou chu achena chan’aatohga aneh ding, hitobanga chu miphan jong atohga aneh ding ahi.

¹⁵Mihem meimeija um chun akiseijouse atahsan jin, miching in vang achena ding akivet phet in ahi.

¹⁶Miching hon chingthei tah’inthilse apeldoh jiuvin, mingol honvang ngol han pum’in na atongjiuve.