Thuchihbu 10:1-12

¹Solomon thuchih ho: Chapa chingin apa aki pasah jin; Chapa ngol vang anu ding in lungkham na bep ahi.

²Gitlouna le engset jeh’a kilamdoh gouchu phat chompi thei ahipon, hinlah chondih nahin hinkho jeng jong ahuhdoh jin ahi.

³Pakaiyin michonpha chu kelthoh in akoi jipon, chule milungthim phalou ho ngaichat akhohsah jipoi.

⁴Khut chaloh sah nomlou thase chun vaichatna alhut ding, khut umthim thei lou chun haosatna amu ding ahi.

⁵Chapa ching in nipi laileh neh akikhol khomin, neh kikhol khom laija kinomsah chapa vang chun jumna amu tei ding ahi.

⁶Michonpha luchanga phattheina gobang in ajun, midihlou ho kamsunga vang pumtho changa thuseina jeng apot in ahi.

⁷Midihpa chu akisumil thei jipon, midihlou ho min vang chomlou kah’a kisumil ding ahi. Thuchih Le Kamsung

⁸Miching in thu kisei chan asanji ahen, amot a thusei vang chu mangthah ding ahi.

⁹Lungthim kitah a kalsonna chumonna ahin, achena tinchang kisuhboi-achu matdoh a um tei ding ahi.

¹⁰Aphalou lam galdot chungimna asodoh jin, hangsan tah’ami phohsal a sudih chun chamnaasemdoh jin ahi.

¹¹Michonpha kamsung chu hinnatwinah tobang ahin, miphalou hokamsunga vang pomthoa thuseinajeng apot in ahi.

¹²Kivetda nahin kinahna asodohsah jin, ngailut na vang chun thilsejouse asel mang jitai.