Thempu Dan 9:1-7

¹Chu in niget lhin nin Mose’n Aaron chapate chengse le Israelte lah a upa ho akou khom in,

²Aaron heng a hiti hin a seipehtai; chonset maicham thilto dingin bongchal khat gakaijin, chulepumgo maicham thilto a to dingin kelngoi chalkhat ma gakaijinlang, ani tah achu Pathen heng a nakatdoh a,

³Hitia hi Israel chate heng a naseipeh ding, chonset maicham thiltoding in kelchal khat gakai jun lang, chule pumgo maicham thilto dingin nol nabei hel bongnou khat lekelngoi nou khat nahin kaidiu ahi.

⁴Pathen angsung a chamna maicham ki lhaina thilto a din bongchal khat le kelngoi chal khat nagakaidiu; lhosohga maicham thiltoadin chang bong thaotui kichapsajong jao nan, ajeh chu thuni nikhoahi nangho heng a Pakai Pathen hungkilah thei ahi tin hil’un tin aseiye.

⁵Hitabang chun amaho jousen Mose akona athu jah bang un thiljouse chu kikhop khomna ponbuhmailam achun ahin poluh sohtaovin ahi; chuin khopi sung akonjapin ahin nailut un, abon cha uvin Pathen ansung achun ading soh keitao vin ahi.

⁶Chuin Mose’n ajah uva hiti hinasei peh tauve, hitabang thil hojouse hi Pathen in nang ho na toh ding a napeh doh u ahi tan, hichea chu Pakai Pathen loupina nanghojal a na heng uva hung kilah ding ahiye.

⁷Hiti chun Mose’n jong Aaronheng a hiti hin a seipeh tan, maicham phung lam hin nai lut in, chonset maicham thilto nato dingle pumgo maicham thilto nato dingchu hung toh in lang, hichea chunangma mimal a ding ahin namitejouse a ding hi jong le ki thoidamnana sem ding; Pathen thupeh bangbang in japi’n maicham thilto dinga ahin choi chengse chu hinchoiinlang amaho dia jong kithoidamna nasem peh ding u ahi.