Thempu Dan 7:4-20

⁴A taijung lah a akal teni le akal a athao um chengse, athin leh akal teni jaona a aphe le athao jouse aboncha alah doh cheh cheh ding.

⁵Chuteng leh thempupan pumgo thilto ding a Pakai heng lam maichan chung a agovam hel ding ahi, ajeh chu themmo maicham thilto ahiye.

⁶Hitabang maicham thilto chu thempu ho lah a pasal kiti phot in aneh thei jing ding ahin; muntheng sung lai khat a aneh ding dol ahi, hichu atheng lah a atheng chungnung khat ahiye.

⁷Themmo na maicham thilto lechonset thilto hi akikheh na umbehlou ahin, anitah a dan khat a um chuahi, chutia chu athoiya pang thempupa chun ki thoi dam na maichamthilto chu a kilah ding ahiye.

⁸Pumgo maicham thilto a pangjouse sanpeha, atohdoha pangthempu pan, hitabang maicham thilto savun cheng se chu akilah ding ahi.

⁹Chule lhosohga maicham thilto, meilhum sung a kigousa, khangbel a kihon sa le ki kangsa jousechu aboncha hiche thempupa chunakilah ding ahi.

¹⁰Hitia chu lho sohga maichamthilto thaotui kichap kotsa hihenakichap kot lou hi jong leh, hicheho jouse chu aboncha keiya Aaronchapate chang ding u ahiye.

¹¹Ajeh chu hiche maicham thiltohi koi hile Pathen heng a chamnamaicham kilhaina gantha a hitia hichepi ding ahiye.

¹²Maicham thiltoh pan thangvahna dia ato doh ding ahi le, hitabangthangvah maicham thilto ding chuchanglhah thao-tui kichap khumsachang-lhah pheng phabep chu toh, hiche thaotui toh kihalsa changlhahle chang bong nel dil sel a kisemchutoh ato thading ahi.

¹³Amapa chun hiche thangvahnamaicham thilto kilhaina gantha pachu choljao lou changlhah chutoh ahin to tha ding ahi.

¹⁴Chule hiche thilto ho jouse lahakona chu khat cheh alah doh ding, hichu Pakai maicham thilto a apehding ahi. Hiche ho jouse chu chamnamaicham thilto gancha thisan jousechap jal a pang thempupa changding ahiye.

¹⁵Hiche thangvahna maichamthilto kilhaina gancha kithat chuanikho ma ma a neh ding, asaneo khat jeng jong khovah chan aumsah lou ding ahi.

¹⁶Chule hiche gancha kilhainamaicham toh doh pa chun thulolhin sah a kitoh doh ham ahilou ledeisah jal a kitoh doh ahi le, hichekilhaina gancha kitha nikho mamaachu aneh ding amoh cheng se sechu ajing lam le aneh thei kit ahi.

¹⁷Ahinlah ani thum channa sa umho vang chu meiya govam hel dingahiye.

¹⁸Ito bangkhat a hiche mipangancha kilhaina maicham thiltoaneh nah laija ahileh vang; hichekilhaina maicham toh pa chu santheidol ahipoi, hiche maicham thiltochu amapa ding a ngense a umtheilou ding; ajeh chu hot umtah sohdoh ahitan hitabang thilto nekhachan chu chonset themmona chuchang jing ding ahi.

¹⁹Thil theng lou sa chu neh tah louding, hichu meija govam hel dingahiye, hinlah mi koi hile atahsachung theng chan chun sa aneh theijing ahi tai.

²⁰Ahinlah koi bang khat chu amatichung boh pum ma, Pakai a diakitoh doh kilhaina maicham nekha sun chu koi hile amite lah a kon apampeija um jing ding ahi.