Thempu Dan 27:2-33

²Israel chate hengah chondan chengse hi asei peh in; Ki nop toh jeh a mihem khat chu Pakaiya dia kipeh doh na anei ding ahi, sum aki sei jat hi apeh a ki lhat doh thei ding ahi.

³Kitepna dungjui cheh le aki chepi bang banga Pasal kum somni apat kumsom gup chan chu dangka somnga jao nan shekel jao nan sana a kisem shekel somnga hichu muntheng laiya ding ahi.

⁴Chule numei ahile amanu chun dangka somnga a kitepna anei ding ahi.

⁵Hitia chu Pasal kum nga apat somni chan dangka somni hiding, numei vang chu dangka somkhat hiding ahi.

⁶Chule naosen kum nga apat noilam se vang dangka cheng nga hi ding; numei ahile dangka cheng thum hi ding ahi.

⁷Ama vang pasal kum somgup chunglam se vang chu dangka somle nga hi ding; numei kum somgup chung lamse ahile dangka somkhat a lhat doh thei ahiye.

⁸Ahinlah hi tabang a kitepna nei ding pa chun, hiche chepi ding chu angap lal banga ahile; ana kikat dohsa mihem pa chu thempu lama apui ding, chu teng thempu pan aman ato khambep ateppeh ding, hiche mipan ajokham ding chu ateppeh ding ahi tai.

⁹Ama vang hiche kitepna hi ganchapeh ding toh kisaija kitepna neiding ahile; Pakai lama santhei ding, hitia chu Pakaija dia kipe dohsa chuatheng ahiye.

¹⁰Kitepna neipa chun gancha chuapha jo ding gelna jal’a adang khata akhel thei lou ding, apeh khel diaaum jong leh; akat doh masat leakhel dia akat doh chu ani a athengahi jeng e.

¹¹Pakai lama kat doh thei louhichu gancha theng lou kitepna ahivang leh, kitepna nei ding pa chunagancha chu thempu pa heng lamaakai ding ahi.

¹²Thempu pan aman lut dan leaman lut lou dan ate toh ding, thempu pan aphat sah dung juiyahichu achaina hi ding ahiye.

¹³Ahin lah akat doh pa chun akilelhat noma ahile, aman jat jaona ajakhat lah a somni toh ale peh tha ding ahi.

¹⁴Chule mi koi hileh a in athengding a Pakai henga apeh doh nomaahile, in ahoi dan le ahoi lou dandungjuija thempu pan jong ate tohchet chet ding; thempu pan ate tohbang banga chu achaina hi jeng ding ahi.

¹⁵In pe doh pa chun akile lhat dohnoma ahile, aman sum leh jakhatlah a somni chu toh ale peh tha jengding ahi. Hichea bouchu akitepnabang’a lechan thei ding ahi.

¹⁶Chule koi ham khat chun Pakaiya dia agam beh khat tou apeh dohnoma ahile; hiche gambeh khat chumuchi kitu lut jat ding toh atetoha, chu teng suhlou chang shekelsomni ki tulut na thei gambeh chusum som khat man jat ate peh dingahiye.

¹⁷Thil kile peh na kum kut koncha a apeh doh khah ahile vang; aki tepeh na banga aman jat jonglhingset a apeh ding ahi.

¹⁸Ahinlah agambeh chu apat aalhat doh jou louva ahile, thil kilepeh na kum kut ahung lhun kahseadinga thempu pan aman jat ate tohpeh ding, aman hichea chu lhatdohna na anei thei ding ahi.

¹⁹Agam beh pedoh pa chun akilelhat noma ahile, sum aman jat bangbanga jakhat lah a somni toh alepeh tha ding, hi chea bouchu lechanthei ding ahi.

²⁰Pakai heng’a cho doh louvamidang kom khat touva agam behchu ajoh doh khah bang leh; hichuitih chan hi jongle akile lhat dohthei talou ding ahi.

²¹Amavang thil kile peh to kumahung lhung ding, chu tengle imatih channa Pakai gambeh mongmonga um jeng ding, hitia chuthempu pan ama neiya akisim dingahi tai.

²²Chule koi hile aki chodohsagambeh khat tou Pakaija dia apehdoh noma ahile, hichu ama gambeh hi lou ding ahi tai.

²³Hitia chu thempupan thil manlepeh kum ahung lhun ding to kitoha aman jat atepeh jeng ding, ani khosung a hi ape doh pan jong aman jatlhingsel’a apeh jeng ding; hichu thiltheng Pakai ding ahi.

²⁴Thil kilepeh na kum ahung lhunteng le, hiche gambeh chu anei sapa ahi louleh aki naipi henga le peh kit ding ahi.

²⁵Thil man ho aboncha chondandungjuiya akiman dan bang bangaale tep peh chehcheh ding; hichu Gerah somni jaona shekel toh kitoh ding ahi tai.

²⁶Gancha masa jouse aboncha Pakaija ding bou ahin, hi chengchu aboncha koima chan atum beha apehdoh thei lou ding; bong nouhihen kelngoi nou hihen, kel nouhi jeng jong leh hichu aboncha Pakaija bou ahi.

²⁷Amavang gancha thenglou masavang chu akile lhat doh thei ding, aman jat chule jakhat lah a somnichu toh apeh tha ding; ahin lah alelhat doh tah louva ahile, chonna dandungjuiya mi dang khat henga ajohthei ding ahi nai.

²⁸Hitia chun mihem ahin, gancha hihen, gam beh jeng jong; ajeh um louva Pakaiya dia kipeh dohsa chukoiman ale lhat thei lou ding ahi.

²⁹Ajeh bei hel a Pakaija kitoh dohchu mihem jeng jong ki ledoh theilouva, thina chan sah jeng ding ahi.

³⁰Lho sohga chang ahin, thinggahihen, ipi chu hi jongle gamgajouse chu hopsom lah a hop khatvang Pakai ding ahi.

³¹Koi hileh thil somma khat kipehdohsa le choh nom aum leh, chonnangai banga aman jat jaonan jakhatlah a somni ale peh cheh cheh dingahiye.

³²Hi tabang chun gancha jousesom lah a khat chu Pakai dingahin, hitia chu gancha kiti phot, som lhinna jouse aboncha khat chu Pakai a ding ahi.

³³Gancha neipan jong aganchahochu ahoi leh apha alhen chil louhelding; alhen kah le lou ding ahi. Gancha khat khel a chu achom khatapeh khah bang leh ani tah a Pakaichang jeng ding; ale lhat thei louding ahi tai.