Thempu Dan 26:17-44

¹⁷Na boncha uva kaki doupi sohkei uva, namel mate’u masang ajong na kisuhgam set diu ahi, na deilou uleh na thet bol te’u abonchananghochungvumavaihomthuneiya um diu, koima del loubeh a ha jama na jam cheh diu ahi bouve.

¹⁸A kisei chengse nahsah a koi louva ka thu jeng jong na kijahmosah ngei ngei ule, na chonset nauva konna vel sagi vei jenbolgimna ka lechuh sah ding nahiuve.

¹⁹Na kiletsah nao le na tha neisun’u aboncha ka suh manghelding; na chung cheh uva thih kachuh sah a; na gam sung jeng u jongsum eng ka hisah ngal ding ahi;

²⁰Hitia chu na thanei na jouse’upanna bei jeng hi tading, na gamleiset pum piuva jong lhoh sohgaum talou ding, gamsung pumpiathing phung jouse gasoh thei louhel ding ahi tai.

²¹Keima douna a na kisah uva nachon khah ngei ngei ule keima tahin nat phalou jouse hi na gamsungule na boncha chung uva ka lan sahjeng ding ahi.

²²Keima tah in na boncha chunguva gamsa hang jouse ka hin hoilutpeh diu, na chate’u aboncha abahgamset diu, gancha jeng jong na thachai peh kei uva; na boncha uva namanthai cheh cheh diu, na ki jot najouse’u jong thip del ding ahi.

²³Hiche ho jouse nunga jong nakhah doh thei lou uva; nei ki doupinah lai uva ahile;

²⁴Keiman na boncha uva ka hinkile doupi diu, na chonset jal uvana boncha uva talent namat chehdiu na pumpi uva ka suh gamsetding na hiuve.

²⁵Kitepna phu lah na chem jamhem chu na chung uva ka hin jahjeng ding, Na khopi lai lung uvakikhom khom un lang a ning a um jong leu chun na boncha chung cheh uva natna huise hung lang in tin; chu teng na kidou pite’u masang a na kun cheh diu ahi tai.

²⁶Nang ho hinna chang lhah molchu ka lah peh diu, na lah uva numeisom seh seh in jong chang lhah phabep cha bou anei diu, hichu kituptah a atena na toh kitoh chet a tepehcheh cheh ding; na neh jeng vanguva chu oiva na a neh diu ahi tapoi.

²⁷Hiche jong hi ka thu na ki jahmosah ngei ngei uva, nei ki doupinah laiyu ahile,

²⁸Na chung uva lungsat na tohthoaka doudal diu; hiche chonset na naneijal uva ajat sagi vei jen na chungcheh uva lethuh na chu ding ahiye.

²⁹Na chate’u tahsa geiya numeikithei lou pasal kitheilouva nahinneh nah laidiu ahi.

³⁰Na chung uva munsang lai jouseka hin suh chim jeng ding; gimnamtui na halvam nao maichamphung jeng jong ka suh jal dehding, hinkho lhum keiya ka kidahuva kathet ding na hiuve, ati.

³¹Na chennao khopi a bonchaaching ding koima um louva kalha jeng ding, muntheng lai na neichengseo jong thip del ding; na gimnam tui lhut nam jeng ujong ka nahsah peh tah lou ding na hiuve.

³²Gamsung pumpi akeu seh a umding, na gam sung uva um nakidoupete’u vin nalung don jeng diu ahi.

³³Nam tin chi tin lah a ka thejalsoh hel diu, chem jam ka lap a hajam a ka jam sah diu, na gam sung’uaboncha akeova umding na khopijeng u jong thip del a um ding ahi.

³⁴Na boncha uva na kidoupi te’u gamma na vaitham sung seuva na gamsung uchu thip del’a koima umlouva chute ta ding, chu teng agamsung pumpi chu kitha kimat imalouva chol dam sel ding ahiye.

³⁵Gamsung chu a keuva aumchanna chol damsel ahin; ajeh chuna chen lai uva cholngah nikho nanit ta pouvin hijeh achu chol ngahnikho bang a chol dam sel ding ahitai.

³⁶Na lah uva konna athi mohcheng ahing nalai na kidou pite’ugamsung a cheng ho jeng jong alungthim’u ka suh nemdeh peh diu, nathu khat a kheh lhah a agin khuchem jam kilam bang a tijat tothoajam lele uva; mikhat seh del maimaia jong jamcheh ji diu ahiye.

³⁷Koima del louva ama ho le amaho kigel’a chemjam in adelbang ajamcheh diu, khat le khat kinolhu ajam cheh cheh jeng ding ahiuvin; naboncha uva nakidoupi teo masangkitia nalhuh lhuh jeng diu ahi.

³⁸Namtin lah a navaitham gam keidiu, na kidou pite’u gam leiset chunna suh gamset jeng diu ahi.

³⁹Na kidou pite’u gamsung achengho ahing doh chengse jongchu achonset jal uva meidoi gamkeidiu, apu apate’u chonset a alhahnauva konna ama ho jouse jong apuapa te’u akilo diu mei doi jou keiding ahiuve.

⁴⁰Abon cha uva keima douna jeh’achon khel na abol uva, keima eikidoupi uva joule nal thua achon uvaapu apate’u chonset phon doh naanei uva;

⁴¹Hitia achon khah tah jeh uva chu keiman jong akale lama lethuh naachung uva ka lhunsah a a kidoupite’u angsung a kapui lut na’u ajehpen tah aphon doh thei ule; alungtah na jeng ujong aki suhnem theiuva, achonset nauva konna kisemthah na anei thei ngei ngei ule;

⁴²Jacob heng a ka kitepna kageldoh kit ding chule Isaac tohka kitep na jong ka gel doh ding; hitia chu Abraham henga ka kitepna jong ka gel doh pai ding, agamleiset pumpi jong ka hin geldoh thaa ka huh doh kit ding ahiye.

⁴³A dalhah na agam sung pumpi’uchu cholngah nikho tabang a anisiha choldamna a aman chah jeng diu; hitia chu chondan jouse nahsahmoa akoi ngei ngei uva ahinkhosung uva keima doumah le kidahna achonset jouseo va konna kisemphat na achunguva lhung ding ahiye.

⁴⁴Hiche ho jouse jala hi abonchauva akidou peteo gamsung a achenteng ule; keiman jong aboncha uvasumil louhel’a ka hebol cheh diu; ka kitep na jeng jong um jing ding; ajeh chu keima na Pakai uleh Na Pathen uchu ka hi jing jeng’e, ati.