Thempu Dan 25:35-52

³⁵Na sopipa chu anei lel val tah a, na kom tah a aki vah lel na aum doha ahile, nangman jong ima dang gellouva ama chu na vah jeng ding, khol gam akonna jin banga na koma khosa jeng ding ahiye.

³⁶Na toh le tham akon in apungakal jong tep peh da jing in lang, na Pathen pa maiven na sopipa chu nakom a khosa tei tei jo hen, ati.

³⁷Ama chu veikan dia sum bat napeh thei lou hel ding, nehle chahjeng jong apung dia na peh louhelding ahi.

³⁸Ajeh chu kei matah hi na Pakaiyu leh na Pathen u ka hi in, nang ho Pathen kahiye tia Cannan gamkapeh diu ahi tia Egypt gama konnanahin puigal kaipao chu kahi, ati.

³⁹Hijeh chun nangma nai lam acheng na sopipa chu anei lel val taha nangma koma ama le ama ahungki peh lut tah le ama chu soh tabanga na goi thei lou ding ahi;

⁴⁰Amapa chu na koma tha lah mibang a khosa jeng ding, Jubileekum ahung lhun kah sea na kom akhosa ding ahi tai.

⁴¹Jubilee aki chai teng nangmadalha a pot ta ding achate jousejaona che diu, a insung lama lechediu, apu apa khang a gou ho chulechan ding ahi uve.

⁴²Ajeh chu aboncha uva keima lhacha a pang ahiuvin; aboncha uva Egypt gama konna kahin pui galkai ahiuve, hiche jehchun amahohi abonchaova soh joh a na joh dohlou hel diu ahi.

⁴³Nangman ama ho Jouse munemna nei tah a thu na sei lou hel ding; na Pathen pa ging khencha hinkhonaman ding ahi.

⁴⁴Soh pasal le numei jong naneijeng thei ahin, hiche soh ding achunakom lah a namtin vaipi hochu nachoh doh a na vul thei ahiye.

⁴⁵Na boncha uva na lah uva chenglut kholgam mih hochu nachoh dohuva soh a na lap thei diu ahi nai, na gam sung pumpiva cheng sa hojong na choh thei diu, hi tabang mina choh doh hou chu na in cheh uvauma na lap le thei diu ahiye.

⁴⁶Chule soh ho chu na chate’u banga na goulo diuva na umsah uva khonunga goulo ding jong na koipeh diu; nangho Israelte lah avangkhat in khat chung a thunei na tah avaihom a chat loh thei lou hel dingai.

⁴⁷Na koma cheng kholjin mi chuahung hao doh jeng tah a, na komacheng na sopi pakhat machu achendan ahah sat val tah ahile; amajengjong na koma cheng khol jin mipakoma ahung kipeh doh jeng tah ahahile, chule asopi ho kom ham khata akijoh doh jeng tah a ahile;

⁴⁸Hitia aki joh nung achu lelhatkit thei ahinai; asopi ho lah akonnakhat penpen in amapa chu ale lhatkit ding,

⁴⁹A hilou le apa neo ham apaneochapa ham khat injong ale lhatthei ahi; amatoh kinai asopi ahengakom aphung chan khompi ainsungtoh kinai pen khat injong alhat dohthei ahi, hichekal achu ama le amaahung neijou tah levang amachamakilhat ding ahi tai.

⁵⁰Ana ki choh doh patoh akinop tobanga ama le ama akijoh doh niapat Jubilee kum chana asim ding amanjat jat mong mong chu akum tamleh lhom dung juiya ale peh dingahi; anakichoh pan amapa alapsungsea chu thalah man toh kibangding ahi.

⁵¹Jubilee kum lhun na ding kumphabep avat nah laileh, aki lhat dohna dia ana ki choh doh na man chualang khat ale peh ding ahi.

⁵²Ahin lah Jubilee lhinna ding chukum lhomcha akivat tah a ahile aki choh apat akum jat chu avet toh chet lhon ding; hiche kuma pat chuatoh man jat dungjuiya aval dohchengse chu akile lhat doh na diaale dip ding ahi.