Text copied!
CopyCompare
PATHEN LEKHABU THENG - Thempu Dan - Thempu Dan 25

Thempu Dan 25:29-55

Help us?
Click on verse(s) to share them!
29Kul’a kigensa gam leiset behkah khat tou a joh doh a um leh, hiche ajoh doh pa chun ajoh kumsung achu akile lhat doh thei dingahi. Ajeh chu kum khat sung achuakile lhat doh na dinga thu anei ahi.
30Ahinlah a in chu kum sung achualhat doh jou louva ahile; khopisung a kul ki gensa ki joh doh a akichohpa chun a khang lhum keija anei ding ahi tan; Jubilee kum hunglhung jongle akile lhat na ding thuanei lou ahi tai.
31Kul kigen lou khopi neo chasung a in ki joh doh ho vang chuamin mai maiya ki sim peh ding; hiche ho chu lhat doh na tha umjeng ding, hichu Jubilee kum ahunglhun teng lhat doh ding ahiye.
32Ahinlah Levite chenna khopi hochu ama ho ana chenna sa akhopisung uva in ho vang chu, Levitenitih phat lai hi jongle akile lhatdohthei diu ahiye.
33Koi hile Levi mite akonnaathunei na aman chah louva ahile, amaho chenna khopi sung a anaki joh dohsa in vangchu Jubileekum ahung lhun teng kile peh chehcheh ding ahi; ajeh chu Israel chatechenna tin cheng chu Levi mite diaamaho gou lo jeng ahi bouve.
34Levi mite dia kikoi gam behjouse chu khat a khat cha ki johdoh thei lou ding; hichu amaho diatonsot tonsot goulo ding ahi tai.
35Na sopipa chu anei lel val tah a, na kom tah a aki vah lel na aum doha ahile, nangman jong ima dang gellouva ama chu na vah jeng ding, khol gam akonna jin banga na koma khosa jeng ding ahiye.
36Na toh le tham akon in apungakal jong tep peh da jing in lang, na Pathen pa maiven na sopipa chu nakom a khosa tei tei jo hen, ati.
37Ama chu veikan dia sum bat napeh thei lou hel ding, nehle chahjeng jong apung dia na peh louhelding ahi.
38Ajeh chu kei matah hi na Pakaiyu leh na Pathen u ka hi in, nang ho Pathen kahiye tia Cannan gamkapeh diu ahi tia Egypt gama konnanahin puigal kaipao chu kahi, ati.
39Hijeh chun nangma nai lam acheng na sopipa chu anei lel val taha nangma koma ama le ama ahungki peh lut tah le ama chu soh tabanga na goi thei lou ding ahi;
40Amapa chu na koma tha lah mibang a khosa jeng ding, Jubileekum ahung lhun kah sea na kom akhosa ding ahi tai.
41Jubilee aki chai teng nangmadalha a pot ta ding achate jousejaona che diu, a insung lama lechediu, apu apa khang a gou ho chulechan ding ahi uve.
42Ajeh chu aboncha uva keima lhacha a pang ahiuvin; aboncha uva Egypt gama konna kahin pui galkai ahiuve, hiche jehchun amahohi abonchaova soh joh a na joh dohlou hel diu ahi.
43Nangman ama ho Jouse munemna nei tah a thu na sei lou hel ding; na Pathen pa ging khencha hinkhonaman ding ahi.
44Soh pasal le numei jong naneijeng thei ahin, hiche soh ding achunakom lah a namtin vaipi hochu nachoh doh a na vul thei ahiye.
45Na boncha uva na lah uva chenglut kholgam mih hochu nachoh dohuva soh a na lap thei diu ahi nai, na gam sung pumpiva cheng sa hojong na choh thei diu, hi tabang mina choh doh hou chu na in cheh uvauma na lap le thei diu ahiye.
46Chule soh ho chu na chate’u banga na goulo diuva na umsah uva khonunga goulo ding jong na koipeh diu; nangho Israelte lah avangkhat in khat chung a thunei na tah avaihom a chat loh thei lou hel dingai.
47Na koma cheng kholjin mi chuahung hao doh jeng tah a, na komacheng na sopi pakhat machu achendan ahah sat val tah ahile; amajengjong na koma cheng khol jin mipakoma ahung kipeh doh jeng tah ahahile, chule asopi ho kom ham khata akijoh doh jeng tah a ahile;
48Hitia aki joh nung achu lelhatkit thei ahinai; asopi ho lah akonnakhat penpen in amapa chu ale lhatkit ding,
49A hilou le apa neo ham apaneochapa ham khat injong ale lhatthei ahi; amatoh kinai asopi ahengakom aphung chan khompi ainsungtoh kinai pen khat injong alhat dohthei ahi, hichekal achu ama le amaahung neijou tah levang amachamakilhat ding ahi tai.
50Ana ki choh doh patoh akinop tobanga ama le ama akijoh doh niapat Jubilee kum chana asim ding amanjat jat mong mong chu akum tamleh lhom dung juiya ale peh dingahi; anakichoh pan amapa alapsungsea chu thalah man toh kibangding ahi.
51Jubilee kum lhun na ding kumphabep avat nah laileh, aki lhat dohna dia ana ki choh doh na man chualang khat ale peh ding ahi.
52Ahin lah Jubilee lhinna ding chukum lhomcha akivat tah a ahile aki choh apat akum jat chu avet toh chet lhon ding; hiche kuma pat chuatoh man jat dungjuiya aval dohchengse chu akile lhat doh na diaale dip ding ahi.
53Tohman akisim teng hichepachu thagoi man bep bep a kisimpeh ding, koi hile hichepa tabang achunga engset nanei thei hoa konnanavet tup ding ahi.
54Hiche ho jouse nunga hi amapahi aki lhat doh jou lou tah vang le; chute uma Jubilee kum ahung lhunteng lhat ding ahi tan, ama ahinachate jouse jaona lhat tha dingahitai, ati.
55Ajeh chu Israel chate hi abonchauva keima lhacha ngen ahi uvin; ama ho hi ka lhacha ahin, Egyptgama konna keima tah in ka hinpui gal kai ahi uvin; Keima hi Na Pakaiyu le na Pathen u chu kahi jinge, ati.

Read Thempu Dan 25Thempu Dan 25
Compare Thempu Dan 25:29-55Thempu Dan 25:29-55