Thempu Dan 25:23-36

²³Gam leiset kiti jong na joh dohthei lou diu, anei pa kei ka hi in, na boncha uva gamchom mi kholjin a

²⁴Hijeh chun hoilai chan hi jonglena chen na jouse uva gam leiset lhatdoh na man na boncha uva na pehcheh cheh diu ahi.

²⁵Na sopipa hamkhat hahsat naato jeh a agam leiset ajoh doh khahngei ngei le, ama ban chat a asopipa ngei ngei chu hunga athiljoh dohchu ahung lhat doh pai ding ahiye.

²⁶Ahin lah ajoh doh pa ham khatchun a sopi alhat doh thei mi aneitah louva, ama vang khonung aahung hao doh thei ding a aumaahile aman ahin ki lhat doh jeng ding ahi.

²⁷Hiti achu agam joh doh pan jongajoh doh kum a pat phatah a simcheh cheh ding; ajoh na pa hengachu aman jat apeh dia lom chengchu toh apeh doh tha jeng ding, chu jou tengle ana chodoh pa chunagam leiset chu aboncha anung pehkit ding ahiye.

²⁸Ahin lah amapa chun alhat dohna ding anei louva ahile, Jubileekum ahung lhun kahse’a ajoh dohnapa koma chu athil joh doh chuchuti um ding ahi tan; Jubilee kumahung lhun phat levang chun achopa chun ale lhatdoh ding, athilneipa chu lechen kit ding ahi tai.

²⁹Kul’a kigensa gam leiset behkah khat tou a joh doh a um leh, hiche ajoh doh pa chun ajoh kumsung achu akile lhat doh thei dingahi. Ajeh chu kum khat sung achuakile lhat doh na dinga thu anei ahi.

³⁰Ahinlah a in chu kum sung achualhat doh jou louva ahile; khopisung a kul ki gensa ki joh doh a akichohpa chun a khang lhum keija anei ding ahi tan; Jubilee kum hunglhung jongle akile lhat na ding thuanei lou ahi tai.

³¹Kul kigen lou khopi neo chasung a in ki joh doh ho vang chuamin mai maiya ki sim peh ding; hiche ho chu lhat doh na tha umjeng ding, hichu Jubilee kum ahunglhun teng lhat doh ding ahiye.

³²Ahinlah Levite chenna khopi hochu ama ho ana chenna sa akhopisung uva in ho vang chu, Levitenitih phat lai hi jongle akile lhatdohthei diu ahiye.

³³Koi hile Levi mite akonnaathunei na aman chah louva ahile, amaho chenna khopi sung a anaki joh dohsa in vangchu Jubileekum ahung lhun teng kile peh chehcheh ding ahi; ajeh chu Israel chatechenna tin cheng chu Levi mite diaamaho gou lo jeng ahi bouve.

³⁴Levi mite dia kikoi gam behjouse chu khat a khat cha ki johdoh thei lou ding; hichu amaho diatonsot tonsot goulo ding ahi tai.

³⁵Na sopipa chu anei lel val tah a, na kom tah a aki vah lel na aum doha ahile, nangman jong ima dang gellouva ama chu na vah jeng ding, khol gam akonna jin banga na koma khosa jeng ding ahiye.

³⁶Na toh le tham akon in apungakal jong tep peh da jing in lang, na Pathen pa maiven na sopipa chu nakom a khosa tei tei jo hen, ati.