Thempu Dan 22:18-32

¹⁸A ban a kisei chondan jouse hiaboncha Aaron le achapate chule Israelte seipeh ding in athumoptan ahi. Israel ham ahi louva ahile Israel gamsung a ahung chengmidang koiham khat chun pumgothilto ato tengle, deilhen thiltohihen, kinepna dia lolhin sah dingthilto hi jongle hichu nolna beihelgancha bou ato thei ding ahi.

¹⁹Santhei ding dol chu ahile achal hi ding hichu nolna beihel ding ahi.

²⁰Nolna nei gancha toh doh chu Pakai adia santhei dol hilou ding ahi.

²¹Kitepna bulhitsah na ham, deilhen tum adia thilto ham, Pakaiheng lam’a ki khop khomna diakat doh chun nolna bei ato le bousanthei dol hi ding ahi.

²²Gancha amit khomu lou ham, a elbai ham, ati bukim lou ham, atiphah ham, ati bol ham, apat hamkhat chu Pakai ding a na to doh theilou hel diu ahi. Thilto doh chu nehle chah ding ahi jeh in hi tabanghohi maicham phunga peh da jenguvin ati.

²³Deilhen chom beh thilto dinnatna neiya akhang theilou tibukimlou hi jongle todoh jeng theiahi. Ahinlah hi tabang hochukitepna molso nadia vang santheidol ahi poi.

²⁴Gancha atil kilasa ahin, akisukehsaham, akigot kehsa khat hamchu Pakai heng a nato ngai ngai loudiu ahi. Hi tabang chondan kiti hinangho gamsung a najom thei loudiu ahi.

²⁵Gamchom mi akonna kichosagancha kitichu nehthei ding thiltokitia nakat doh lou diu, hi tabanggancha hi nolna a dim jeng ahin, san thei dol ahipoi.

²⁶Bongham ahi loule kelngoiham kelcha hamkhat chu anou asotengle, hichu nisagi alhin kahseaapi toh na khen thei lou diu ahi.

²⁷Ni sagi jou teng le vang hichuneh leh chah thilto ding a san thei dol hi bep ding ahi.

²⁸Nikhat sung chun bongpi anou jaonan chule kelngoi api chutoh, kelpi le anou chu ki lhaina nabol kop louhel diu ahi.

²⁹Pakai lama thangvah thilto na katdoh teng ule, santhei ahi natei ding in, abol ding dan kisem jouse hi abonchan jui cheh un,

³⁰Hitichun nathilto doh nikho mama chun nechai jeng unlang, ajing nikho chan in vang naneh moh houchu khen hih hel un,

³¹Pakijin aseiye, ka thupeh chengse bol un ajeh chu keima Pakai ka hi ati.

³²Ka mintheng hi suthang hih hel unlang, Israel pumpin ka then dan joh sei phong leuhen, keima Pakai chu ka hi in, keiman ka suh theng na hiuve ati.