Thempu Dan 20:10-27

¹⁰Pasal koi hile aheng akompa jinuchu achonset pikhah tah le ajongpaahin ajonpi nujaona a anilhonnathana chan changlhon ding ahi.

¹¹Koihile apa jinu toh lumkhomaumkhah le amachun apa delchenalhep peh ahitan, ajeh chu anilhonna thina chang jeng lhon ding, thisan soman jong ama nin achungcheh lhonna akipoh lhon ding ahitai.

¹²A mounu luppi pasal aum khahjongle, amapa ahin amounu jongani lhonna thina chang jeng lhonding ahiye; chonset gitlouna chuabol khah lhon ahitan, thisan somanjong achung cheh lhonna akipohlhon ding ahi.

¹³Numei kilup khompi bang banga pasal khat chun pasal khat a luppitah a ahile, thet umtah a chonkhaahi lhon tan, ani lhon na thinachansah jeng ding, athisan kisonalhon kisona chu ama cheh in akipohlhon ding ahi tai.

¹⁴Numei khat jaona a anu jong jiding’a a kipui tha khah a ahile hichepasal pa chun thilphalou chungnungabol khah ahitan, pasal pa jaonan anumei teni ahin, aboncha uva meiya govam hel diu, ajeh chu nalah uvahitabang thilse avel a a um kit lounading ahiye.

¹⁵Ama kiphal thengtah a ganchalup khom pi pasal kiti chu tha dohjeng ding ahi; a kitimatpi ganchajeng jong chu natha doh jeng diu ahiye.

¹⁶Gancha kitiphot kom a gacheaki timatsah ding gel’a kido numeichu, gancha ahin numeinu ahinna tha jeng ding, hitia chu ani tahlhonna tha na nachan sah a, athisanlhon sona chu amani chung cheh amonna akipoh lhon ding ahiye.

¹⁷A sopinu apa chanu ham ahi louleanu chanu ham kipui aum khah tahle, apan amanu chu anih alhap pehding amanun apa del alhep pehding, pasal pan jong sagoh keovaaum chu avet a, numei nun jonghichepa sagohkeova aumchu avetpeh khah tah le, hichu jachat na laha jachat sang pen ahitan, hitia aumkhah lhontah jiachu achate ahilouleamite lah akonna pampaiya umjeng ding ahilon’e; hichepa chuna sopinu nih alhep lhah peh ahi tanthemmo na chu aman a kipoh ding ahi tai.

¹⁸Numei phat ngai ngai bang a thianeiya hiche pet a chu pasal in aluppia ahile, anih alheppeh a sagohkeova alupsah a ahile, hichepa chunnumei thisan hungpot doh sagohkeova alupsah ahin, Chule amanunjong athisan lonlai tah a chu lumlhajeng ahitan, hijeh achu hiche tenichu amite lah’a konna pampaiyaum jeng lhon ding ahiye.

¹⁹Nanu sopinu ham na pa sopinu ham nih chu na sut theilou hel ding, hitia ki bol chu a inko puma akeovaa jam ahi tan; hitia chon ho chunthemmo na ama cheh in aki poh diuahi tai.

²⁰Apaneo jinu luppi pasal chun apaneo del asut peh tabang ahi tan, hiche pasal pa le numei nu chunachonset lhon akipoh cheh lhonding, cha hing thei louva thi lhonding ahi.

²¹A sopipa jinu ji dia kipui pasalaum khah tah le hiche pa chundihlouna a boldoh ahi tan, hichepachun asopipa delchen asut ahi tan, hijeh a chu numeinu jaona a anilhonna thi jeng ding ahi lhonne.

²²Na boncha uvin keima chondanle ka chondan jouse na jui soh keidiu aboncha keiya na bol tah-tahdiu ahiye; chu teng na chenna diugamsung ka puilut nauva konna hika paidoh lou ding na hiuve.

²³Chule nangho masang a kanapaidoh namtin le vaipi ho chonnabang chun choh hih hel un; ajeh chuhi tabang ho’a chonna hinkho anamantah jeh un keima adia amahochu thet umtah ana hiuva ahi.

²⁴Hiti hojeh a chu na jah uva kasei peh na hiuve, amaho chennagampumpi nanghon na losoh uvakeiman jong hiche gamma bongnoile khoiju lonna hi nalo na diuvakapeh nahi tauve tia ka sei ahi. Namtin vaipi lah a nangho atummalheng doh achu na Pakai’u le na Pathen’u keima hi kahi.

²⁵Hijeh chun na boncha uvinsatheng le satheng lou chu hom khen unlang, vacha atheng ahin athenglou ho na khen diu; hitia chuhiche ganhing ho ahin vachate ahintollhang a kithol tho hi jong le khata khat cha na kisuh boh thei lou dingu ahiye; hichengse hi athenglouaboh a kase khen sa ahi tai.

²⁶Na boncha uva keima dia athenga na um diu, keima hi Pakai kitipaatheng aum chu ka hin, keima mitena hi na diuva namtin le vaipi lahakonna ka lhen dohsa chu nahi tauve.

²⁷Pasal hihen numei hile lhagaophalou vop a pang ham, mitpheldoithem ham ani gel’a thina chan sahjing ding ahi lhonne, song a se lihjing ding, a thisan sona jal a monajong ama ho chung cheh a le chuhding ahi, ati.