Thempu Dan 19:7-37

⁷Nithum lhin nikhoa hiche thiltonekha aum chan chun, athil kitohdoh chu thet umtah ahitan, san theidol ahi tapoi.

⁸Chule koi hi jong le hiche sanekha chan chun amacheh inthemmo na akipoh ding ahi; ajehchu aman Pakaija thiltheng asuhthang ahitan, ama chu amite lahakonna pampaiya um ding ahi.

⁹Chule nanghon leiset gasohnachop khom teng ule, nalou behuchu apam ching geija nachopkhom lou diu, chule changphal jengjong chang pal geiyin chom louding ahi.

¹⁰Chule na lengpigui jong ngimselanachom louding, na lengpi lei laijalengpithei ajam thang ho jouse jongna lo ngim lou ding ahi; hichengsese chu vaichate le kholjin hodiana khen tei ding ahi; keima hi Pakaina Pathen u kahi e.

¹¹Guchat kiti bol hih hel un, koihijong leu chun na heng na kom cheh u jouva na bol lou hel diu ahi.

¹²Keima min panna jouthu a koimanalhep lhah lou hel diu, hiche hoachu na Pathen min nasuhchat veilou ding ahi; keima hi Pakai kahiye.

¹³Nang man na heng na kom nachom’a na suhgim thei lou ding; thalah soh natoh man jong pelouva na jan khovah sah lou ding, napeh ding ahiye; keima hi Pakai chukahiye.

¹⁴Na-ngong mijong na gaosap louhel ding chule mitcho masang jengajong aki pallhuh nathei ima na koilou ding, hiche ho sang a chu na Pathen gin ding hi na thupi sah dingahiye; keima hi Pakai chu kahi.

¹⁵Nanghon thu na tan teng uleadih louvin tan ding go hihhel un; vaicha ho chung’a langnei na naneiham, ahiloule milen hochung a jongkhentum na ima na bol lou ding ahi. Ahin lah thu chu adihtah a na hengna kom chung a na tan ding ahi.

¹⁶Nangma mikah lah a thuse pole ache suh che tou na bol louhel ding, chule na heng na kom jeng jongathi nathei ding nagel a na kidou pithei lou ding ahiye. Keima Pakai inka umpi jing uve.

¹⁷Na lungthim sung akonna naheng na kom na thetbol lou ding, hiti sang chun na heng na kom inatoh mo thudol a phatah a na kihoulimpi joh ding ahi, ajeh chuachunga phatlouna na lhung thei ahi.

¹⁸Nangman namite lah akonnaachapa te’u chunga phulah na nabol lou ding, tahsa lunghimo najong nei hihhel in, chuti sang chun nangma na kingailut banga na heng na kom na ngailut ding ahi; keima Pakai ka um jing e.

¹⁹Na boncha uva keima chonnadan jouse na nit soh kei ding u ahi, na gancha hochu jatchom chom nakitimat sah a na kingai sah louhelding, na loulai jeng ajong muchijatchom chom na tuhel lou ding, chule ponsil jatchom cheh a kikhuivon cheng jong chu na tahsa chunga na von lou hel ding ahi.

²⁰Pasal koihileh huh jeh a numei akicho doh loulai, chamlhat na jongkipe nailou, ahinlah pasal chomkhat toh kitepsa khat chu a luppitah ahile, hichu phatah a kholtohmasat a, anumeinu chu chamlhatna kichansah nailou ahin hijeh achuthina channa mochan sah lou dingahi.

²¹Hiche mihempa chun athemmothilto ding ama ding mong monga kikhop khomna ponbuh kotpimaiya Pakai angsung a ahin kai lutding, hichea themmona thilto dingchu kelngoi chal khat hi ding ahiye.

²²Hiche themmo na thilto hichemipa chun abol jeh achu, thempu-pan jong themmo na thilto kelchalchu Pakai angsung a thoidamnaanei peh ding; hichea chu chonsetabol khah na akonna ngaidam nachang ding ahi.

²³Na boncha uva gamsung nahung lut teng ule thing a gatheina tu jouse’u aga masa chengsechu mihem chep kitan peh banganagel diu, kumthum sung a thinggajouse chu cheptan lou ahi tia na gel cheh diu ahi; hiche thingga hochu koiman aneh thei lou lai ding ahiye.

²⁴Kumli ahung lhin teng chulehiche kum achu thingga jouseaboncha Pakai angsung a thangvahna kut khat a thensona um cheh ding ahi.

²⁵Chule kum nga lhin teng thinggajouse chu na neh thei ding u ahitan, nanghon gamga jouse chu nangmanangma ding cheh a nakilo lhahjeng thei u ahitai. Pakai na Pathenu keima kaum jing e.

²⁶Nanghon ipisa hitaleh athisanpum in netha hihhel un; phun kitijong san dih unlang mitphel-doi kitijong choi hih hel’un.

²⁷Nachal sam ujong som hihunlang, nabeng mul ujong amonglamse natan thei lou diu ahi.

²⁸Mithi hojeh in natahsa chung’uatpop ding go hih un lang, na tahsana tichung ho’u na atkeh lou heldiu, na tahsa cheh uchu milim hoa khat chan na sem thei lou ding uahi; Pakai kitipa keima kaum jing’e.

²⁹Na chanu chu aki joh a pansahding got dan lang na kisuh boh sahlou hel ding ahi, achutilouva ahilegamsung pumpi jeng jong aki joha pang ding, hiti achu gamsungpumpi jeng jong phatlou nan ahinlo jeng thei ahi.

³⁰Keima cholngah nikho jouse chuna nit cheh diu, keima mun-thengjong jabol na na nei jing diu ahi. Keima na Pathen u chu ka hi.

³¹Doi-them hole lhagao phalou hoheng jong joh louvin don jong donhih un; hiche hochu gellut daovinlang, hiche hochun kisuboh khagetun nate; Pakai na Pathen u keima kaum jing e.

³²Tehse lukang jabolna napeh a amasang a na dindoh ding, upa masang a jong jabolna na nei ding chule Pakai na Pathen jong na gin jing ding ahi; keima Pakai ka hi.

³³Kholgam mi khat tou toh nagam sung a khol jin khomna na nei le, na boncha uvin hiche kholjin mi chu aphalou va na bol thei lou ding u ahi.

³⁴Na lah uva hung kholjin le kholgam mi chu na lah uva konna peng doh banga um jing ding, hiche kholjinpa chu nangma cheh na kingai bang bang uva na ngailut cheh diu ahiye; ajeh chu na boncha uva Egypt gamsunga ana kholjin sa na hi tauve; Pakai na Pathenu keima ka hi jing e.

³⁵Thu natan nao mun jouse, ipiham khat tou adung avai natena’u ahin chule thil ajat na sim na’u hi jongle, adih louva bol lou hel ding ahi.

³⁶Lep toh le ding thil jouse jong dihtah a kitoh del dela nakoi diu, thil agih tena jong adihtah naman diu, ephah jong akitoh chet chet naman diu, hi jong adihtah chu nam ding u ahi; keima hi Pakai na Pathen u kahin, Egypt gamma konna nahin puigal kai paochu kahi jing e.

³⁷Hijeh chun na boncha uvin keima chonna dan jouse ka chon dan aboncha keiya na jui uva na bol jing diu ahiye; keima Pakai kahi jin e, ati.