Thempu Dan 16:2-29

²Pakai Pathen in Mose heng ahiti hin asei tan, “Na sopipa Aaronjah a seipeh tan pondal kidal namuntheng lailung, thingkong chunga um ngailut hepi touna maija amacham cham in alut nom phat chanin hung lut lou ding, hichu ahiloule thi jeng thei ahi; ajeh chu hicheangailut hepi touna chung a khukeima meilom a kilah ji chu kahi”.

³Aaron vang hiche muntheng ahi lut thei a; chonset thilto ding abongchal gol khat leh kelngoi chalkhat jaona a ahin kai ding,

⁴Chule tupet ponnem a kikhuisangkhol chol len chu aki ah ding, tupet ponnem mama a kikhui tokachol jong a kichen a, chujong letupet ponnem mama a kikhui chalchep konggah achu akong akigah a, tupet a kikhong delkop jong akop ding; hicheng ho sese hi von lah a atheng ahin. Hijeh chun thempupanjong hiche von ho sese akivon theina din atahsa pumpi tuija kisilthengsel ding ahiye.

⁵Chule Israel chate khoppi apatchu kelchal nou nitah pumgo thiltoato ding a kelchal khat ma akimatding ahiye.

⁶Aaron in jong atumbeh a amadinga bongchal khat ato doh dinghitia chu amading leh a insung miteding a kithoidamna anei masat dingahi.

⁷Chule Aaron in jong kelchal teni chu akai ding ki khop khomnaponbuh kotbul Pathen ansung achuadinsah a;

⁸Aaron in jong kelchal teni diaphun asan ding, hiche aphun sanlah a khat chu Pakai ding chuleaphunsan khat vangchu Azazelchan ding ahi.

⁹Chule Aaron in jong Pakaiya diaphun, achung a phunchang chuh nakelcha chu akai ding, chonset thiltoa ato doh ding ahiye.

¹⁰Hi tabang achu Azazel chan dingphun pha, achung a phun-changchuhna kelcha chu kithoidamnading a ahing laiya todoh ding ahin, hichu Azazel chan ding a gamlah aahing a lha mang ding ahi.

¹¹Aaron in jong amatah chonsetthilto ding a bongchal chu atodohding, hiche bongchal chu amachonset thilto ding a akitha dingahi.

¹²Chule Aaron in jong Pakaiangsung a maicham phung apat meiam kong khat dim hichu gimnamtui lhut na ding, chule hoitah a kisemsa gimnamtui khutdimni aham doh a, hichu pondalkikhai sung lam a chu apoh lut ding;

¹³Hitia chu Pakai angsung a meikong lah achu gim namtui chualelha ding, chule hettohsah nading a kido ngailut hepi touna chugimnamtui kilhut na meikhu chuatom soh hel ding ahiye, hichuahilou le thinan alhun thei ahi.

¹⁴Chule bongchal thisan chuthemkhat alah ding akhut jungakonna ngailut hepi touna mailaha chu athe lhah ding, ngailut hepitouna mailah a chu akhut jungakonna sagi veijen athe khum ding ahi.

¹⁵Hiche jou teng chule mipi ding achonset thilto kelcha chu atha ding, athisan vang chu pondal sunglam aachoilut a, hiche kelcha thisan chubongchal thisan kibol na bang bangachu abol ding ngailut hepi tounachungvum chule ngailut hepi tounamaiya chu athin khum ding ahi.

¹⁶Hi tabang achu Israel chateaboh a aum na jouseo le chonseta aumnao va konna munthengpen chu asuh theng ding, hitabangakonna hi ngahmun lailung chuatheng lou a um ji ahi tan, suhthengna abol ji ding ahi.

¹⁷Mun theng pen suhtheng na dia Aaron a sung lhah a ahung pot dohkit kahsea kikhop khomna ponbuhsung a koima umthei lou dingahiye. Amavang Ama le ainsungmite chule miho ding a thensona anei a,

¹⁸Chule maicham phung a pumgothilto abol a suh thengna anei ding, hichea chu bongchal thisan phabeple kelcha thisan phabep alah a, maicham ning a selki hose chuanunat cheh chih ding ahi.

¹⁹Hiche thisan chu akhut jung aakhoi ding chuteng maicham chungvum lah achu athin khum dingahi. Hitia hi Israelte chonset jal amaicham asem a athenso ding ahi.

²⁰Chule Aaron in jong munthengpen jouse le Pakai Pathen chennaponbuh suhtheng na chule maichamsutheng naho achai kimsoh teng le, Phun phatna dia kelcha chu akatdoh ding ahi.

²¹Chuteng Aaron in akhut tenikelcha chung a chu angap ding, chonset thil ho ahin, gitlounajouse, Israel chaten doumah aboldoh jouseo aphon doh ding, kelchachung a buhlhah peh bang a abola, chu teng son umtah mikhat chungammang lah a del lut ding ahi.

²²Hiche kelcha chun achonsetna ho jouse’u chu chenna lou behgammang lah khat a poh mang dingahi tai.

²³Hicheng joutengchulemuntheng sung alut masang athempu von a kivon chengse chukikhop khomna ponbuh lut a Aaronin aga puilut ding, hiche muna chuahin da lhah ding u ahi.

²⁴Chule muntheng khat a kisil lhading, akivonna ngai banga kivona hichea chu amatah chonset nale mipi chonset thensona ding apumgo thilto chu anei ding ahi.

²⁵Chule chonset thoidam nadiasathao jouse chu maicham phunga agovam ding ahiye.

²⁶Chujong le gammang lah akelcha delmang pa chu ngahmunahung lhun kah a avon jouse akisop lhah ding, ama jeng jong kisillha ding ahi

²⁷Chonset thoidam na dia kithatbongchal le kelcha teni thisanjong chonset abei na thei dingin muntheng penna kikoisa chungahmun polam a govam ding, avun chu le asa chule agiljao na aaboncha govam ding ahi.

²⁸Hitia chu agouvam penpen inngahmun asung lhah kah a aponsiljouse a sop lhah ding, chu tengngahmun lai achu sunglha bep ding ahi.

²⁹Chule hiche dan hi akhangakhang a na jui ding u ahi. Lha sagi, nisom alhin nikho teng Israel chatechule alah uva cheng gamchommihon an angol ding u na atoh louhel ding u ahi.