Thempu Dan 13:4-31

⁴Atipat lai avunbeh chu akan chahding, ahinlah akang laichu avun thosung a alut lou lai le, atahsa a amuljong akan chah loulai ahivang le, hiche natna neipa chu thempupannisagi sung a angai ngaibang aaumsah ding;

⁵Chule nisagi lhinni teng le thempupan avel a avet lhah kit ding, chuteng thempupa mitmu changa anat chu atan tah a, ati pat jengjong avun beh dang ho a achal betahlouva ahileh, hiche natna neipachu thempupan ni sagi sung a chuvet a akoiding ahiye.

⁶Ni sagi ahung lhin kit nikho tengchule thempu pan natna neipa chuavel a avet lhah kit ding, ati pat nachu avom doh a, atahsa chung danghoa atipat chu achalbe tah louvaahileh amapa chu thempu panakisutheng ahitai tia phondoh naanei ding ahiye; hiche tipat nachutahsa chung boldoh tabang mai maiahi in, hiche natna neipa tipat neipachun aponsil chengse akisop thengding chu teng atheng a um ding ahi tai.

⁷Ahinlah thempu pan avet lhah jounung jeng a jong, ati bol chu avunbeh dang ho a achal be nah laiya ahile, thempupa heng lam a avel’a che kit ding ahiye.

⁸Hiche teng chule thempupanavet lhah ding, atibol chu atahsavundang a achal be a ahivang le, hichea chu thempupan ama chuatheng lou ahitai tia phon doh naanei ding ahiye.

⁹Mihem khat chu tiphah na aneiteng le thempupa heng lam a puiding,

¹⁰Thempupan tiphah nat veipachu avet lhah ding, avun beh achu akang tabang aduldoh a, hicheakang lai chun atahsa mul kisanakan sah tah a, adul doh lai akonnachu vouso thah akimu doh khah tahahileh,

¹¹Hiche natna chu anapa tahsavun sung tho a lut ahi tan, chuteng thempu pan nat na neipa chuathenglou ahitai tia phon doh nanei ta ding; vet a jong akoitah louding, hichepa chu atheng lou aboha kisim ahi tai.

¹²Chujong leh hiche tiphah natnachu atahsa vun hoa achan sohtah a, hichea chu phah nat na veipachun thempupa mu theiya, aluchangapat akengto phang chan phah natnachun atom lhah hiel jeng a ahile,

¹³Amapa chu thempupan hoitaha vet lhah na anei ding, hiche ajong chu ti phah nat na chun amapachu atom lhah jing tah ahile vang, thempupan amapa chu hiche tiphahnat na anei jeh’a chu atheng louaboh ahi tai tia, aphon doh jingding ahitai; hinlah aphah nat naatina khem hojouse chu akan doh a ahile vang amapa chu atheng a

¹⁴Hinlah amapa tahsa chung achu avouthah akise bebe le vangathenglouva um nalai ding ahi.

¹⁵Amapa vouthah kisep be laichu thempupan vetlhah na nei dingatheng lou ahitia phon doh na asemding; ajeh chu vouthah kisep dohkiti hi atheng lou ahi. Hichu tiphahnat na ahi.

¹⁶Hinlah tichung a nat na chuakhip tah a ahung kan doh khah aahile vang, tiphah nat na veipa chuthempu heng lam a hung ding,

¹⁷Amapa chu thempun avet lhahding, anat na tiphah chu ahungkan soh a akikhen na aum a ahile, hichea chu thempupan tiphah nat naveipa chu aphah na akonna athengdoh ahitai, amapa hi atheng ahitaitia phondoh na asem ding ahi.

¹⁸Mihem khat tou tahsa chung auilut neiya pom doh aum khah le,

¹⁹I tobang khat a hiche tina mahaakonna chu anai kanga hung umdoh khah a, asan le akang kihalahung pomdoh tha a ahile, hitabangnatna chu thempupa heng a vetlhahna nei ding ahi.

²⁰Thempupan vet lhah na aneiding, hiche nat nachu avun thosang a asung lut joh tah a, atahsamul jeng jong akang ahung umdohkhah a ahile, amapa chu thempupanatheng lou ahitai tia phon doh naanei ding ahi. Ajeh chu hitabangnatna chu tiphah ahi bouve uilut lima hung soh doh ahiye.

²¹Ahinlah thempupan avet lhah atina maha beh a atahsa mul ho kangdoh nailou, anat na jeng jong asun tho a lut nailou, tina maha nai jong avom nah laiya ahile, hichepa chuthempupan nisagi sung a vet a aumsah ding ahiye.

²²Ito bang khat a hiche nat na chuatahsa chung a achal be khah tahahile vang, amapa chu thempunatheng lou ahi tai tia phondoh naanei ding, hiche jeng jong hi phahnat vei chu ahi.

²³Hiche anat navang chu ati chungmunkhat seh soh doh a chalbelouva aum levang, hiche tiphahchu uilut mah’a ahi in, hichea chuthempupan amapa chu atheng e tiaaphon doh ding ahi.

²⁴Meijin mihem tahsa chu akahkhah a, meikah na avun beh leavouso chu ahung dul doh jinga, asan le akang kihalla, ahilouvaakang ham a ahung sodoh tah aahile,

²⁵Hiche achu thempupan anatnalai meikah lai chu avet lhah pehding, anat nalai a atahsa timul geiyaahung kan doh khah a chule avuntho sung a asung lut khah ta a ahilevang, hichu phah nat na ahi in, meiyin akah na maha chu hung sohdoh a ahi tan, chu teng thempupanamapa chu atheng lou a ahi tai tiaphondoh na anei ding ahite, ajehchu hiche natna chu phah nat na ahi.

²⁶Hinlah anat na chu thempupanvetlhah na aneija, anat na beh kahtimul jeng jong akang asoh dohnailou, anat na chu avun tho sungjeng a ajong lut nai louva, avomden nah laija ahileh, thempupanamapa chu ni sagi sung a vet a aumsah ding ahite.

²⁷Thempupan jong ni sagi alhinnikho teng Chule avella avet lhahkit ding, anatna chu avun beh danghoa achalbe khah a ahile, hicheachu thempupan nat veipa chu athenglou a ahitai tia phondohnaanei ding ahi.

²⁸Ahin hiche anatna chu munbehkhat bouva aum chule avun behdang hoa chalbe talouva hitia chuvun beh khat bou aum den tah a, avun chu avom ahikhah le, meijinakah jeh’a hung duldoh a ahin, thempupan hitabang ho chu athenglou ahipoi tia, phon doh na aneiding ahiye; meijin akah na mahachu akhem hung soh doh kha ahi bou e.

²⁹Pasal ahi lou leh numei khat penpen in aluchang, akha-lhang donnatina anei khah tah a ahile,

³⁰Hichu thempupan anat na chuavet lhah peh ding, anat na chuavun thosung a alut khah tah banga ahile, atina maha beh a atahsamul jeng jong eng lilih a aum’a, voichetchut dan a aum khah tah le; hiche natna veipa chu thempupanatheng louva ahitia phon doh naanei ding ahi; ajeh chu hitabangnat na chu tithah phah nat na ahi in, hichu luchung leh khalhang channachal lut thei ahiye.

³¹Ahin lah, hiche nat na veipa chuthempupan avet lhah nung jengajong avun tho sung nung a asunglut hih laiya, atina maha beh a chuatahsa mul doh nailou, hiche natnatithah veipa chu thempupan ni sagisung a vet a aum sah ding ahi.