Te Israel Tobolu Bidi Dabe 3:12-17

¹²Te Israel dabe augwaligo dwai sę Genuai Bidi dali ma yali. Tama tibaso, Genuai Bidigo te genuai bomo te Moap gavman tuni bidi Eklonbolo menama, tama agai te Israel dabe aiyaba elaluali.

¹³Te gavman tuni bidi Eklongo te Amor dabe me te Amalek dabe dali selama, tama augwaligo te Israel dabe aiyaba elaluama, tama te hanu nogi Ni Pam te nogi poali hanu me sali.

¹⁴Tama te Israel dabe te gavman tuni bidi Eklongo bomo dologode bidiyu, tama augwali agade te kalabus sę idubadi, te kibu be 18 tama kibu be bidai.

¹⁵Tialima, te Israel dabe augwaligo Genuai Bidiba gela obaso, tama agai bidi me deli augwali te boi bidigo nogode bidibo tagalumainu sa muani. Te bidi aga nogi te Ehut, aga te pobase nogo yai bidi, tama te Benjamingo hanide te Gerago ogwa dao. Tama te Israel dabego te gavman tuni bidi Eklon te wiegi yai homu ilibo nai tolali, te Moap gavman bidi bidai, tama te nai te Ehutgo sela pali.

¹⁶Ehutgo te aga hwą ge bainat te tedali nigali. Te hwą ge poai te si badu elaluali, tama te bobage gana elaluali te hap mita. Tama agai te hwą ge te aga dolo nogo badu te aga sągąde dąų olama, te gudali ugwa dologode geme dualali.

¹⁷Tialima, agai te wiegi yai homu ilibo doado bage te gavman tuni bidi Eklonbolo magi peyu pali. Eklon te moni genuai tigi ili yai bidi mu bidai.