Te Israel Tobolu Bidi Dabe 17:7-12

⁷Te sogo te Livai hanigo te gesi ogwa bidi me deli elaluali, aga te Betlehem te Juda tǫde bidali.

⁸Agai te aga bulu taga peyu, tama aga te gasaba bidigi painu homu yali. Tialima, aga pelama, tama te Maikago beba sabolali, te Efraimgo bulu du bage buluba pai.

⁹Tama Maikago agabolo hanalu wai, “Nage menadu asaliwe?” Agai po wei ponoyu, te tama po wai, “Ena te Livai hani me deli te Betlehem te Juda bidi dao. Ena te bidainu ebo bulu me deli gege asai dao,” wali.

¹⁰Tialima, Maikago agabolo te po wai, “Nage ede ena dali bidao. Te enabolo te homu kolesaga mabo bidi bididu tama nage eno pris me bidagameo,” wali. “Tama tigidali kibu bede te eno nagebolo te silva mone te nogo si mayu yaibao, tama te gudabo ugwa dabe me te tuabo nai dali mawaibao.”

¹¹Tama tibaso, te Livai gesi ogwa bidigo te po usu da olama, tama aga te Maika dali bidai. Tama aga te aga ogwa tiwai mu pedelali.

¹²Tialima, Maikago te gesi ogwa bidi te agai pris bidi nigilali. Tama aga te aga bede bidali.