Tauwai 12:5-14

⁵Taupatim kwa gei noḡoti muliḡa kaka kwai magula kauwa. Mba saugidimo kwa lauvayado bi kaidakiḡa nawa kwa naile. Dabam ya yaguna bi tubuḡa wai ḡemotina noḡotina lisimmo ya kovi. Tam kaka gabu kenakena nonoḡinemo kwa nawa kwai yawasi bi em pekimo tauḡaba sa ḡabem.

⁶Ma valivalium Taupatim kwa noḡoti, muliḡa kaka em yawasana visuvisuna maibena sein kipokipolina ya nuwaḡavuka, ee gulewa goldimo voivoiyena ya nuwagolu, ee mai gauba dugina ya nuwanuwagoluna.

⁷Te tubuḡa ya munaḡa yaila gobusa bi aluwa Maimaituwa i vitevitedana ya vai munaḡe.

⁸Tauwailovelove i giuna gado, “Yawasana banina geḡa, giukauwa te bai matabudi banidi geḡa.”

⁹Tauwailovelove ba i nuwauyauya bi i ḡoeḡoena ba lava yai loveloveda te mba nuwauyauyana banina ta sibe. Tana nuwauyeuyedi i noḡotiwaitetedi bi i wai laulubidi te giukauwa.

¹⁰Tauwailovelove i ḡoeḡoena ba didimana giudi ya gilumidi bi i gilugilumidina ba kamaina te giukauwa giudi.

¹¹Mba nuwauyeuyedi giudi ba mai kai manimanidi tauḡamo nimedimo te sipu sa labedi bi sa tupa wai didimanidi bi giudi kota mai tutu manimanidi kai mododimo tututu patinidi. Bai matabuna tauwailovelove ya wailovedana ba Maimaituwa i viteda.

¹²Natugu mba giudi kwa legaudi. Bi kwa kita kauwa, anapu vaina bi buka wapewapedi gilumidi mote ima kovi bi kwa waitepedina eete tunim ya daboka.

¹³Bai matabuna kona vaiye bi egu noḡota ba niga mainana, Maimaituwa ko vivile bi kalinana ko voteyeteye. Mba kauwina dabanemo te Maimaituwa i voiyeda.

¹⁴Bi tada bai matabuna kanidavonemo ee masagabomo ta voivoiyena, visuvisu ee gebogebo bi Maimaituwa kaka ya kulavitavitaledi.